अर्थ

काठमाडौंमा दक्षिण एसियाली हस्तकला महोत्सव, ‘नेपाल–को’ ब्राण्ड सार्वजनिक
SHARES

पुस २८, २०७४

    काठमाडौं:  दक्षिण एसियाली हस्तकला महोत्स सुरु भएको छ। गरिबी निवारण कोषको आयोजनामा काठमाडौंको होटल अन्नपूर्णमा महोत्सव शुक्रबारबाट सुरू भएको हो। तीन दिने महोत्सवमा नेपाली कालिगढहरुले उत्पादन गरेका विभिन्न हस्तकला सामग्रीहरुको प्रदर्शन गरिएको छ। 

    महोत्सवमा ‘नेपाल–को’ ब्राण्ड औपचारिक रुपले सार्वजनिक गरिएको छ। कोषले नेपाली कालीगढहरूले बनाएका आकर्षक हस्तकला सामाग्रीलाई ‘नेपाल–को’ ब्राण्ड–नाउँ दिएर राष्ट्रिय–अन्तर्राष्ट्रिय बजारमा ल्याएको हो। 
    महोत्सवमा भारतीय र पाकिस्तानी कालीगढहरूले बनाएका हस्तकलाहरू पनि प्रदर्शनीमा राखिएका छन। महोत्सवमा उद्घाटनको क्रममा अर्थमन्त्री कार्कीले नेपाली हस्तकला सामग्रीहरुको बिभिन्न देशहरुमा उच्च माग रहेको चर्चा गर्दै यो क्षेत्रले नेपाली अर्थतन्त्रलाई सबल बनाउन सक्ने प्रचूर सम्भावना रहेको बताए।

    गरिबी निवारण कोषका उपाध्यक्ष डा. यमबहादुर थापाले हस्तकला उद्योगको दीगोपनाको लागि यसको डिजाईन, क्षेत्रीय तथा राष्ट्रिय तहमा प्रवर्द्धन, नीतिगत स्पष्टता र निर्यातलगायतका विषयमा ध्यान दिनुपर्ने बताए। यस्तै कोषका कार्यकारी निर्देशक नहकुल केसीले कोषले हस्तकला सामग्रीहरुलाई दैनिक प्रयोगमा प्रवद्र्धन गर्ने संस्कृतिको विकास गर्न चाहेको बताए। कार्यक्रममा विश्व बैंकका प्रतिनिधि विज्ञान प्रधानले यस आयोजनाले सबै सूचक र लक्ष्य पूरा गरेको जानकारी गराए। 
     

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]