खेलकुद

साउदी महिलाले पहिलोपटक रंगशाला पुगेर हेरे फुटबल
SHARES

साउदीमा महिलामाथि पूरुषले खेल्ने कुनै पनि खेल हेर्न रोक थियो

पुस २९, २०७४

    साउदी अरेबियाको व्यवसाहिक लिग फुटबलअन्तर्गत शुक्रबार भएको अल अहलि र अल बाल्टिनबीचको फुटबल खेलमा ठूलो संख्यामा महिला दर्शकहरु उपस्थित भएका छन् । अल अहलीले बाल्टिनलाई ५-० ले हराएको यो खेल महिलाले रंगशालामै आएर हेरेको पहिलो फुटबल खेल हो ।

    किंग अब्दुल्लाह स्पोर्टस् सिटी रंगशालामा पहिलो पटक उपस्थित भएर महिलाहरुले पूरै खेलको मज्जा लिए । खेलमा अल अहलिबाट महोहमद्द असिरी र सलमान अल मोसरले २-२ तथा गियानिस फेटफाटजिडिसल १ गोल गरेका थिए ।

    यसअघि साउदी महिलालाई टेलिभिजनमार्फत मात्रै खेल हेर्न छुट थियो । पूरुषले खेलका कुनै पनि खेल उनीहरुले रंगशाला आएर हेर्न पाउँदैन थिए ।  सन् २०१४ को डिसेम्बरमा खेल हेर्न लुकेर रंगशाला छिरेकी एक महिलालाई प्रहरीले नियन्त्रणमा लिएको थियो । तर राजकुमार महोमद्द बिन सलमानले अधिकार आफ्नो हातमा लिएपछि गत जुनदेखि परम्परात प्रचलनहरु तोड्न थालेका छन् । उनले साउदीलाई उदारवादी मुस्लिम देश बनाउने घोषणा गरेका छन् । रियाद, जेद्दान र पूर्वी शहर दम्मामस्थित रंगशालाहरुमा महिलाहरुलाई लागि विशेष कक्ष छुट्याउन थालिएको छ ।

    यसअघि गत सेप्टेम्बरमा रियादस्थित रंगशालामा राष्ट्रिय दिवसका अवसरमा आयोजित खुसीयाली कार्यक्रममा पनि महिलालाई प्रवेश दिइएको थियो ।

    खेल हेर्न पाउने भएपछि महिलाहरु निकै खुसी देखिएका छन् । शनिबारको खेलमा लिग लिडर अल हिलालले अल इतिहादको सामना गर्दैछन् । अल हिलालकी समर्थक २२ वर्षीया गदाह गरले खेल हेर्ने व्यग्र प्रतिक्षामा रहेको बताइन् । ‘ यो विश्वास गर्न गाह्रो भइरहेको छ कि टिभीमा देखेका खेलाडीहरुको खेल म प्रत्यक्ष हेर्दैछु । मलाई यसरी खेल हेर्ने रहर लामो समयदेखि थियो । आज सपना पूरा हुँदैछ ,’ उनले भनिन् । महिला अधिकारकर्मीहरुले साउदी सरकारको यस निर्णयको स्वागत गरेका छन् भने धार्मिक कट्टरपन्थी नेताहरु विरोधमा देखिएका छन् ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]