समाज : सुरक्षा/अपराध

पेस्तोल र नक्कली नोटसहित पक्राउ गरिएका ३ जनाविरुद्ध मुद्दा
SHARES

माघ २९, २०७४

    लहान : सिरहा प्रहरीले जिल्लाको छुट्टाछुट्टै ठाउँबाट पेस्तोल र नक्कली नोटसहित पक्राउ गरिएका ३ जना युवाविरुद्ध मुद्दा चलाएको छ। 

    जिल्ला प्रहरी सिरहाले पेस्तोलसहित पक्राउ गरिएका कल्याणपुर नगरपालिका– ३ इटारी प्रसाहीका २७ कासिन्द्र यादवलाई हातहतियार तथा खरखजाना मुद्दा चलाएको जनाएको छ। सिरहाको पश्चिमी क्षेत्रमा पर्ने कल्याणपुर नगरपालिका– ११ मा कल्याणपुर जब्दीबाट गस्तीमा रहेको प्रहरीबाट पेस्तोलसहित पक्राउ गरिएका यादवलाई सोमबार अपराह्न सार्वजनिक गरिएको छ। 

    जिल्ला प्रहरी कार्यालय सिरहाका प्रवक्ता तथा प्रहरी नायव उपरीक्षक राजन भेटवालका अनुसार पक्राउ गरिएका यादवको साथबाट एक थान कटुवा पेस्तोल बरामद भएको छ। उनलाई हातहतियार तथा खरखजाना मुद्दा दर्तासहित जिल्ला प्रशासन कार्यालय सिरहाबाट म्याद थप गरी थप अनुसन्धान भइरहेको प्रवक्ता भेटवालले बताए। 

    नक्कली नोटसहित दुई पक्राउ
    प्रहरीको गस्ती टोलीले शनिबार नै सिरहाको नरहा गाउँपालिका– ३ चन्द्रअयोध्यापुरबाट नक्कली नोटसहित २ जनालाई पक्राउ गरी मुद्दा चलाएको छ। जिल्ला प्रहरी कार्यालय सिरहाका अनुसार विष्णुपुर गाउँपालिका– २ राजपुरका ३१ वर्षका रोशनकुमार यादव र धनुषाको शहीदनगर नगरपालिका– १ बल्लाबाखरका १८ वर्षका महेशकुमार यादवविरुद्ध खोटा अपचलन मुद्दा चलाइएको हो। 

    पक्राउ गरिएका दुवै जनाको साथबाट एक हजार रुपैयाँ दरका नेपाली नोट १५ थान र २ हजार रुपैयाँ दरका भारतीय नक्कली नोट ३ थान बरामद गरिएको थियो। दुवै जनाविरुद्ध खोटा अपचलन मुद्दा दर्ता र सिरहा जिल्ला अदालतबाट म्याद थप गरी थप अनुसन्धान भइरहेको प्रहरीले जनाएको छ। 

मणिलाल विश्वकर्मा

विश्वकर्मा थाहा खबरका सिरहा संवाददाता हुन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]