रामेछाप : गोकुलगंगा गाउँपालिका १ मूलडाँडामा सडक नाप्ने क्रममा माटोको ढिस्कोले पुरिएर दुईजनाको मृत्यु भएको छ।
बुधबार साँझ माटोको ढिस्कोले पुरिएर सर्लाही जिल्लाको मलङ्गवा नगरपालिका घर भएका इञ्जिनियर शैलेन्द्र यादव र उनका सहयोगी सिन्धुपाल्चोकको मेलम्चि नगरपालिका- ११ का राजु दुलालको मृत्यु भएको जिल्ला प्रहरी कार्यालय रामेछापले जनाएको छ।
जिल्ला प्रहरी कार्यालय रामेछापका निमित्त प्रहरी प्रमुख प्रहरी निरिक्षक राजकुमार थापाका अनुसार लिखु हाइड्रो पावर र स्थानीयको लगानीमा खनिएको सिवालय बाम्ति सडकको बाटो नाप्ने क्रममा माथिबाट माटोको ढिस्को खस्दा उनीहरू पुरिएका थिए।
घटनास्थलबाट प्रहरी चौकी तथा हाइड्रो पावर समेत टाढा भएको कारण र दुर्गम भएको कारण उनीहरूको उद्धार गर्न आधा घण्टापछि मात्र उद्धार टोली घटनास्थलमा पुगेको थियो। प्रहरी चौकी शिवालयबाट पुगेको प्रहरी टोली र हाइड्रो पावरका कर्मचारी तथा स्थानीय समेतको मद्दतमा उनीहरूको शव पुरिएको ठाउँबाट निकालेर पोष्टमार्टमका लागि जिल्ला सदरमुकाम मन्थली ल्याईएको जिल्ला प्रहरी कार्यलय रामेछापले जानकारी दिएको छ।
तपाईंको ईमेल गोप्य राखिनेछ ।