राजनीति

संघीय सरकार एक्लैले शासन गर्ने अवस्था छैन : सभामुख महरा
SHARES

File Photo
बैशाख ३, २०७५

    काठमाडौं : संघीय संसदका सभामुख कृष्णबहादुर महराले संघीय सरकार एक्लैले शासन गर्ने अवस्था अब नरहेको बताएका छन्।

    सभामुख महराले संघीय सरकारले राज्यलाई आवश्यक नीति निर्माण मात्रै गरे हुने पनि स्पष्ट पारेका छन्। उनले प्रदेश र स्थानीय तहको सरकारलाई विकास, निर्माणलगायतका काममा सक्रिय हुनेगरी स्वायत्त अधिकार दिने संवैधानिक व्यवस्था रहेको पनि स्मरण गराएका थिए।

    सभामुख महराले सूचनाको हक लुकाउने काम नगर्न पनि सम्बन्धित सरकारी निकायलाई सचेत गराएका छन्। उनले जनतालाई सशक्त बनाउने गरी सूचना दिने कामलाई सहज बनाउन पनि राष्ट्रिय सूचना आयोगको गम्भिर ध्यानाकर्षण गराएका थिए।

    सोमबार काठमाडौंमा आयोजित सूचनाको हकको प्रभावकारी कार्यान्वयन प्रचलनका लागि राष्ट्रिय सम्मेलनको उदघाटन गर्दै सभामुख महराले लोकतन्त्रलाई सुदृढ बनाउँदै मुलुकमा राष्ट्रिय एकता कायम गर्ने उद्देश्यका साथ स्थापना गरिएको आयोगले जनतालाई सशक्त बनाउने गरी सूचना दिने कामलाई उच्च प्राथमिकता दिनुपर्ने बताए।

    सभामुख महराले जनतालाई सूचना लुकाउने काम कसैले पनि गर्न नहुनेमा जोड दिए। कार्यक्रममा संचार तथा सूचना, प्रविधि राज्यमन्त्री गोकुलप्रसाद बास्कोटाले सूचनाको हक कार्यान्वयनका लागि सरकारले अथक प्रयास गर्ने प्रतिवद्धता व्यक्त गरेका थिए।
    उनले बदलिँदो राजनीतिक परिवेशमा कर्मचारी तन्त्र अभ्यस्त नहुँदा सूचनाको हक कार्यान्वयनको काममा समस्या देखिएको पनि स्मरण गराएका थिए। राज्यमन्त्री बास्कोटाले सूचनाको हक प्राप्तीका लागि संघर्ष गरिरहन पर्ने अवस्था भने नरहेको पनि स्पष्ट पारे।

    राज्यमन्त्री बास्कोटाले सूचनाको हक कार्यान्वयनमा लैजाने कामलाई सरकारले उच्च प्राथमिकता दिने बताए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]