समाज

हाइटेन्सन बिजुलीको तारले स्थानीय असुरक्षित, छ महिनामा तीन घाइते
SHARES

बैशाख १०, २०७५

    भद्रपुर (झापा)  : हाइटेन्सन बिजुलीको तारले दक्षिणी झापाको बनियानी बजार क्षेत्र असुरक्षित बन्दै गएको छ। बजार क्षेत्रमा अग्ला घर तथा भवन निर्माण हुन थालेपछि घरसँंगै जोडिएर लगिएका सडक छेउका हाइटेन्सन बिजुलीको तारले सो क्षेत्र असुरक्षित बन्दै गएको हो। 

    बजार क्षेत्रबाटै हाइटेन्सन बिजुलीको तार लगिएपछि छ महिनाको अवधिमा बनियानी बजारमा तीन जना मजदुर करेन्ट लागेर घाइते भएका छन्। यसै क्रममा सोमबार दिउँसो हाइटेन्सन बिजुलीको तारबाट करेन्ट लागेर कचनकवल गाउँपालिका -२ स्थित दुर्गाभिट्टा निवासी अन्दाजी ४० वर्षीय टीकाराम भण्डारी गम्भीर घाइते भएको जिल्ला प्रहरी कार्यालय झापाले जनाएको छ। 

    करेन्ट लागेर भण्डारीको दाँहिने हात जल्नुका साथै शरीर र खुट्टामा गम्भीर चोटमा लागेको प्रहरीले जनाएको छ। हाल उनको ओम साई पाथिभरा हस्पिटल भद्रपुरमा उपचार भइरहेको जनाइएको छ। कचनकवल ६ बनियानी बजार निवासी तीर्थ दाहालको निर्माणाधीन घरमा रंग लगाउँदै गरेको अवस्थामा भण्डारीलाई सडक छेउको हाइटेन्सन बिजुलीको तारबाट करेन्ट लागेको प्रत्यक्षदर्शी मजदुर पुजन ढुंगेलले बताए।

    बाँसको सिढीमा चढेर घरको भित्तामा रंग लगाउँदै गरेको अवस्थामा उनलाई सडकको हाइटेन्सन तारले भेटाएर शरीरमा आगो लागेको उनले बताए। असोजमा दाहालकै निर्माणाधीन घरमा प्लाष्टर काम गरिरहेका सोही बिजुली तारबाट करेन्ट लागेर दुई मजदुर घाइते भएका थिए। 

    कचनकवल गाउँपालिका-६ का ३० वर्षीय बासिलाल राजवंशी र २५ वर्षीय मोहन राजवंशी रहेको जिल्ला प्रहरी कार्यालय झापाका डिएसपी जितेन्द्रकुमार बस्नेतले जानकारी दिए। एउटै घरमा दुई पटक मजदुरलाई करेन्ट लाग्दासमेत सम्बन्धित घरधनी र निकायले यसतर्फ कुनै चासो नदेखाउँदा लापरवाही बढ्न थालेको स्थानीय बताउँछन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]