खेलकुद : विश्वकप फुटबल २०१८

मैत्रिपूर्ण खेलमा जर्मनी र स्वीट्जरल्यान्ड विजयी
SHARES

जेठ २६, २०७५

    अागामी बिहीबारदेखि सुरु हुने विश्वकपको तयारीको अन्तिम चरणका मैत्रिपूर्ण खेलमा चर्चित देशले जित निकालेका छन्। साविक विश्व च्याम्पियन जर्मनी र स्वीट्जरल्यान्डले जित निकालेका हुन्।

    लिभरकसेलको बे एरिनामा भएको खेलमा जर्मनीले साउदी अरबियालाई २-१ ले पराजित गर्‍यो। रुसविरुद्ध विश्वकपको उदघाटन खेलको तयारीमा रहेको साउदीको पोष्टमा आठौं मिनेटमै जर्मनीका युवा स्ट्राइकर टिमो वेर्नरको गोल चुमाए। तर, जर्मनीविरुद्ध तुलनात्मक रुपमा साउदी संयमित देखिन्थ्यो।

    ४३औं मिनेटमा साउदीका ओमार हासावीले आत्मघाती गोल गरेपछि जर्मनीले पहिलो हाफमा २-० को अग्रता लियो। खेलको अन्ततिर साउदीका ताइसिर अल जासीमको गोलसँगै साउदीले जर्मनीविरुद्ध एक गोल फर्काउन सफल भयो। जर्मनी प्रतियोगिताको समूह एफमा छ। जर्मनीको समूहमा मेक्सिको, स्वीडेन र दक्षिण कोरिया छन्।

    शुक्रबार राति कै अर्को खेलमा स्वीट्जरल्याण्डले एशियाली टोली जापानलाई २-० ले पराजित गर्‍यो। स्वीट्जरल्याण्डको जितमा रिकार्डो रोड्रिगुइजले पेनाल्टीमार्फत अग्रता दिएका थिए। ह्यारिस सेफरोभिकको गोलसँगै स्वीट्जरल्यान्ड २-० गाोलले विजयी भयो। त्यस्तै, अन्य मैत्रिपूर्ण खेलहरुमा इरानले लिथुवानियालाई १-० ले हराएको छ भने क्रोएशियाले सेनेगललाई २-१ ले पराजित गरेको छ। पोल्याण्ड र चिलीले २-२ गोलको बराबरी खेलेका छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]