समाज

त्रिशूली बस दुर्घटना अपडेट : मृतकको संख्या सात पुग्यो, चारजनालार्इ पोखरा पठाइयो
SHARES

साउन ११, २०७५

    चितवन : चितवनको इच्छाकामना गाउँपालिका-३ स्थित मुग्लिन­मलेखु सडकखण्डअन्तर्गत चुम्लिङटारबाट त्रिशूली नदीमा बस खसेर भएको दुर्घटनामा मृत्यु हुनेको संख्या सात पुगेको छ।

    मृत्यु हुनेमा चार जना पुरुष, दुई महिला र एक बालक रहेको उद्धारमा खटिएका चितावन प्रहरी नायव उपरीक्षक प्रभुप्रसाद ढकालले जानकारी दिए। उनका अनुसार मृतकको सनाखत भइसकेको छैन।

    उक्त घटनामा १७ जना घाइते भएका छन्। घाइतेमध्ये चारजनाको मनकामना अस्पतालमा उपचार भइरहेको छ। त्यस्तै सातजनाको पुरानो मेडिकलमा उपचार हुँदै छ भने चार जनालार्इ पोखरा रिफर गरिएको छ। एक जनाको उपचार मलेखुमा हुँदै गरेको उनले जानकारी दिए।

    काठमाडौंबाट पोखरा जान आउँदै गरेको ना ६ ख २५०६ नम्बरको बस, विपरीत दिशाबाट जाँदै गरेको ना ५ ख ७४०९ नम्बरको ट्रकसँग ठोक्किएर दुर्घटना भएको हो।

    बिहान ११:५० बजे भएको उक्त दुर्घटनापछि ट्रक सडकमै रहेको छ भने बस अन्दाजी ६०/७० मिटर तल त्रिशूली नदी किनारमा खसेको चितवनका प्रहरी उपरीक्षक सुशीलसिंह राठौरले जानकारी दिए।

    अहिले ट्रक चालक भने जोगीमारा प्रहरीको सम्पर्कमा पुगेका छन्। घटनास्थल मुग्लिनबाट अन्दाजी १५ किलोमिटर काठमाडौतर्फ पर्छ। बसमा ३०/३२ जना यात्रु रहेको अनुमान छ।

नारायण ढुंगाना

पत्रकार ढुंगाना ०७५ असोजसम्म थाहाखबरका चितवन संवाददाता थिए।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]