खेलकुद

लिभरपुलको रोमाञ्चक जित
SHARES

असोज ३, २०७५

    इंग्लिस प्रिमियर लिगमा सनसनीपूर्ण प्रदर्शन गरेको लिभरपुलले मंगलबार सुरु भएको च्याम्पियन्स लिग फुटबलमा पनि विजयी सुरुवात गरेको छ। साविकको उपविजेता समेत रहेको लिभरपुलले बलियो प्रतिद्वन्द्वी पीएसजीलाई ३–२ ले हरायो।

    घरेलु मैदानमा भएको पहिलो लेगमा  लिभरपुलले फ्रान्सेली क्लबविरुद्ध इन्जुरी समयमा निर्णायक गोल सम्भव बनाएको थियो। बराबरी उन्मुख भएको खेलमा उसका लागि रोबर्टो फिर्मिन्होले अन्तिम केही समय बाँकी रहँदा टिमलाई महत्त्वपूर्ण तीन अंक दिलाए। 

    खेलमा सुरुवाती अग्रता घरेलु टोली लिभरपुलले ड्यानियल स्टुरिजको गोलबाट लिएको थियो। मिल्नरले ३६ औ मिनेटमा पेनाल्टीमार्फत लिभरपुलको अग्रता दोब्बर पारेका थिए। तर ४० औ मिनेटमा थोमस म्युनिरले गोल गर्दै पीएसजीलाई खेलमा फर्काउने कोशिश गरेका थिए। ८३ औ मिनेटमा केलियन एम्बाप्पेले खेल बराबरीमा ल्याएपछि पीएसजी उत्साही बनेको थियो।

    त्यस्तै अन्य खेलमा एथलेटिको म्याड्रिडले मोनाकोलाई २–१ ले जित्यो, त्यस्तै बोरुसिया डर्टमुन्डले क्लब बर्गलाई १–०ले हरायो, भने गलातासेरे लोकोमोटिम मोस्काभलाई ३–० ले हरायो। साल्के पोर्टोसँग १–१ गोलको बराबरीमा रोकियो। 

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]