सर्लाही : रामनगर गाउँपालिका–४ का वडाध्यक्ष रामनरेश महतो माथि आक्रमण भएकाे छ। सोमबार वडा कार्यालय जाँदै गर्दा रामनगर–४ उपेन्द्र रायको घरमा बसेका १५-२० जनाको समूहले आफूमाथि आक्रमण गरेको हाे।
आक्रमणबाट वडाध्यक्ष महतोलाई टाउकोमा गहिरो चोट लागेको छ भने बायाँ खुट्टा भाँच्चिएको छ। महताेकाे सर्लाही अस्पताल मलङ्गवामा उपचार भइरहेको छ। स्थानीय श्रीनारायण राय र धरमेन्द्र साहको नेतृत्वमा आएका व्यक्तिले आक्रमण गरेको बताए।
आक्रमणकारीले वडाध्यक्षले प्रयोग गरेको मोटरसाइकसमेत तोडफोड गरेका छन्। उनकाे साथमा रहेको नगद, मोबाइल र सुनको हनुमानी समेत लुटी लगेको महतोले बताए। नेपाली काङ्ग्रेसबाट वडाध्यक्षमा निर्वाचित भएका महताेकाे कुटपिटमा संलग्नको खोजी तथा थप अनुसन्धान भइरहेको प्रहरी उपरीक्षक पोषराज पोखरेलले जानकारी दिए।
तपाईंको ईमेल गोप्य राखिनेछ ।