राजनीति

राष्ट्रिय एकता दिवसको साइत पारेर फुट्यो विवेकशील साझा पार्टी
SHARES

File Photo
पुस २७, २०७५

    काठमाडौं : एकीकरण भएको करिब १६ महिनामै विवेकशील साझा पार्टी फुटेको छ। वैकल्पिक पार्टीका रूपमा हेरिएको विवेकशील साझा पार्टीका संयोजक मध्येका एक उज्वल थापाले शुक्रबार राष्ट्रिय एकता दिवसका दिन आफ्नो नेतृत्वमा निर्वाचन आयोगमा छुट्टै पार्टी दर्ता गराए पछि  विधिवत बिभाजन भएको हो ।

    संयोजक थापा दुई सांसदसहित नयाँ दल दर्ता गराउन आएको निर्वाचन आयोगले पुष्टी गरेको छ। नयाँ पार्टीको नाम विवेकशील नेपाल दल प्रस्ताव गरिएको छ। विवेकशील साझाका प्रदेश ३ बाट दुई सांसद विराज भट्ट श्रेष्ठ र पौडेल छन्।

    केही दिनअघि मात्रै मूलत रविन्द्र मिश्र नेतृत्वमा देखिदै आएको सो पार्टीभित्र व्यापक सुधार गर्नुपर्ने माग गर्दै अर्का संयोजक थापाले सदस्यहरूलाई १६ बुँदे प्रतिवेदन बाँडेपछि असन्तुष्टि सतहमा आएको थियो। १८ पृष्ठ लामो प्रतिवेदनमा साझा पार्टी गलत बाटो तर्फ गएको संयोजक थापाले निष्कर्ष निकालेका थिए। त्यसलगत्तै, विवेकशील साझा पार्टीमा पहिलेको विवेकशील समूहका नेता कार्यकर्ताको अनुपस्थितिमै सम्पूर्ण विभाग भंग गर्दै केन्द्रीय समिति विस्तार गरिएको थियो। पार्टी केन्द्रीय कार्यालय बखुन्डोलमा गत मंगलबार बसेको संयोजन समितिको बैठकले दुई जनसंगठन समेत गठन गरेको थियो। 

    गत स्थानीय निर्वाचनमा अलग अलग अस्तित्व रहेका र संसदीय निर्वाचनमा संयुक्त भइ निर्वाचनमा भाग लिएका यसका नेताहरुले नेपालमा नमूना राजनीति प्रस्तुत गर्ने दावी गर्दै आएका थिए । विवेकशील साझा मूलत विदेशमा रहेका युवाहरु बीच लोकप्रिय देखिएको थियो । कुनै दर्शन सिद्धान्तमा भन्दा पनि मूलधारमा रहेका दलहरुको बिरोधी जनमतमा आधारित रहदै आएको विवेकशील साझाले देशका मुख्य शहरमा लोकप्रिय युवामत लिन सफल भएको थियो । 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
इमेल: ad@thahakhabar.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]