काठमाडौं : भूकम्प सुरक्षा दिवसको अवसरमा शत्रुमर्दन गुल्म बैतडीले भूकम्प सुरक्षासम्बन्धी जनचेतना कार्यक्रम गरेको छ।
दशरथचन्द नगरपालिकाको गोठलापानीमा जिल्ला समन्वयन समिति, जिल्ला प्रशासन कार्यालय र जिल्लाका सम्पूर्ण सुरक्षा निकायका साथै विभिन्न सरकारी र गैरसरकारी नियकायको सहभागितामा उक्त जनचेतना कार्यक्रम गरिएको थियो। कार्यक्रममा ४०० बढीको सहभागिता रहेको थियो।
वि.सं. १९९० माघ २ गतेको महाभूकम्प र त्यसबाट पुगेको जनधनको क्षतिको स्मरण गर्दै बुधबार २१औँ राष्ट्रिय भूकम्प सुरक्षा दिवस मनाइँदै छ। भूकम्पका कारण हुने जनधनको क्षति न्यूनीकरण गर्न जनचेतना फैलाउने र सुरक्षाका उपाय अवलम्बन गर्ने उद्देश्यले २०५५ सालदेखि यो दिवस मनाउन थालिएको हो। यो पटक भूकम्प सुरक्षासम्बन्धी कार्यक्रममा स्थानीय तहलाई जिम्मेवार बनाउने उद्देश्यले मनाइँदै छ।
तपाईंको ईमेल गोप्य राखिनेछ ।