खेलकुद

मुख्यमन्त्री कपः कर्णाली र प्रदेश ५ बाहिरिए
SHARES

फागुन ३०, २०७५

    धनगढीः धनगढीमा जारी मुख्यमन्त्री कप अन्तर प्रदेश खेलकुदअन्तर्गत पुरुष तर्फको क्रिकेटमा बिहीबार हार बेहोर्दै कर्णाली प्रदेश र प्रदेश ५ प्रतियोगिताबाट बाहिरिएको छन्।

    दुवै टोली लगातार दुई खेलमा हार व्यहोर्दै बाहिरिएका हुन्। बिहीबारको पहिलो खेलमा प्रदेश ४ सँग ५६ रनले पराजित हुँदै प्रदेश ५ प्रतियोगिताबाट बाहिरिएको हो। दोस्रो खेलमा प्रदेश २ सँग ८ विकेटले पराजित हुँदै कर्णाली प्रदेश प्रतियोगिताबाट बाहिरियो।

    संघीय प्रहरी कार्यालयको खेल मैदानमा भइरहेका महिला क्रिकेट अन्तर्गतका खेलहरूमा प्रदेश ३ र प्रदेश ५ विजयी भएका छन्। पहिलो खेलमा प्रदेश ३ ले गण्डकी प्रदेशलाई ७ विकेटले पराजित गरेको हो।  दोस्रो खेलमा  प्रदेश ५ ले प्रदेश २ लाई १५ रनले हराएको हो।

    पुरुष फुटबल प्रतियोगिताअन्तर्गत प्रदेश १ र प्रदेश २ सेमिफाइनलमा पुगेका छन्। दुवै प्रदेश लगातार दोस्रो जित निकाल्दै सेमिफाइनल पुगेका हुन्। पहिलो खेलमा प्रदेश नम्बर १ ले गण्डकी प्रदेशलाई १–० ले हरायो।

    बिहीबार नै भएको दोस्रो खेलमा प्रदेश २ ले प्रदेश ५ लाई १–० ले किनारा लगाएको थियो। बुधबारबाट सुरु भएको प्रतियोगिताको उद्घाटन शुक्रबार प्रतिनिधिसभाका सभामुख कृष्णबहादुर महराले गर्नेछन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]