समाज : सुरक्षा/अपराध

कुटपिटबाट महिलाको हत्या भएको माइती पक्षको आरोप, पति र सासु फरार
SHARES

जेठ २५, २०७६

    सिरहा : लहान नगरपालिका–१९ छर्रापट्टि गाउँकी छ महिने सुत्केरीको शङ्स्पद मृत्यु भएको छ। २२ वर्षीया नुरजहाँ खातुनको कुटपिट गरी हत्या गरेको माइती पक्षले आरोप लगाएको छ। 

    कुटपिटबाट गम्भीर घाइते भएकी खातुनलाई शुक्रबार बिहान करिब २ बजे विराटनगरस्थित विराट नर्सिङ् होम पुर्याएर उपचार गर्ने क्रममा मृत्यु भएको थियो। उनको मृत्युपछि शुक्रबार दिउँसो शव लहान ल्याइए पनि पोष्टमार्टका लागि पुनः धरान पठाइएको छ। 

    सुखीपुर नगरपालिका–२ विद्यानगर गाउँबाट लहान आएका माइती पक्षले नुरजहाँको कुटपिटबाट हत्या भएको भन्दै पोष्टमार्टम गराउन माग गरेपछि प्रहरीले शव पोष्टमार्टमका लागि शुक्रबार साँझ धरानस्थित विपी कोइराला स्वास्थ्य विज्ञान प्रतिष्ठान पठाएको हो।

    छर्रापट्टि गाउँका २५ वर्षीय समीर राइनले नुरजहाँलाई विवाहलगत्तै कुटपिट गर्दै आएको नुरजहाँका मामा जहाँगिर मियाँको दाबी छ। तीन वर्षअघि विवाह भएकी नुरजहाँका छ महिने छोरा र दुई वर्षकी छोरी समेत छन्।
      
    नुरजहाँको उपचारका लागि विराटनगर गएका पति समीर र सासु बतुलिया खातुन शव ल्याउँदा ल्याउँदै शवबाहन रोक्न लगाई सुनसरीको इनरुवाबाट फरार भएका छन्। माइती पक्ष नुरजहाँलाई कुटपिट गरी हत्या गरेको आरोपसहित प्रहरीमा पुगेपछि सासु र पति बाटोबाटै फरार भएको हुन सक्ने आशङ्का गरिएको छ।

    इलाका प्रहरी कार्यालय लहानका प्रमुख डिएसपी राजेश थापाले माइती पक्षले कुटपिट गरी हत्या गरेको आरोपसहित पोष्टमार्टमका लागि निवेदन दिएपछि शव धरान पठाइएको बताए। पोष्टमार्टमको रिपोर्ट आएपछि घटनाबारे यकिन विवरण आउने उनको भनाइ छ।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]