समाज

पुल शिलान्यास गरेको खोलामै डुब्यो मन्त्रीको झण्डावाल गाडी
SHARES

जेठ २७, २०७६

    स्याङ्जा : संघीय राजधानीबाट एउटा पक्की पुल शिलान्यास गर्न स्याङ्जा पुगेका भौतिक पूर्वाधार तथा यातायात्र मन्त्री रघुवीर महासेठ सवार झण्डावाल सरकारी गाडी नै खोलामा डुबेको छ ।

    अघिपछि सुरक्षाकर्मी र कर्मचारी लगाएर अर्जुन चौपारी गाउँपालिका-३ स्थित घट्टे दरौं खहरे खोलामा पुल शिलान्यास गर्न सोमबार पुगेका मन्त्री महासेठ सवार गाडी खोलाको दममा परेको हो ।

    जिल्ला प्रहरी कार्यालय स्याङ्जका प्रहरी नायब उपरीक्षक नविकृष्ण भण्डारीले दिएको जानकारी अनुसार मन्त्री महासेठ सवार बा२झ ४०२९ नम्बरको गाडी खोलामा रहेको पानीको बहावको बीचमा पुगेपछि दहतिर चिप्लिएर डुबेको हो।

    गाडी खोलाको दहमा आधा भन्दा धेरै भाग डुबेपछि मन्त्री महासेठ निस्किएका थिए। उनी सुरक्षाकर्मीको सहयोगमा ओर्लिएर अर्को सरकारी गाडीमा सदरमुकाम पुगेका थिए।

    प्रहरीका अनुसार मन्त्री महासेठ पुल शिलान्यास गर्न अर्कै बाटोबाट पुगेका थिए। तर फर्किँदा भने पुल शिलान्यास गरेकै खोलामा उनी सवार गाडी डुबेको हो। 

    गाडीलाई क्रेनको सहायताले बाहिर निकालिएको स्याङ्जाका प्रहरी नायब उपरीक्षक नविकृष्ण भण्डारीले जानकारी दिए। मन्त्री महासेठ त्यहाँबाट निस्किएर पोखरा पुगेका छन्। खोलामा पानीको मात्रा बढी भएका कारण मन्त्री सवार गाडी आधा डुबेको हो । 

    मनसुन सुरू हुने समयसँगै पहाडी जिल्लाका खोलामा पानीको बहाव विस्तारै बढ्दैछ। मन्त्रीको गाडी डुबेको खोलामा पनि ढुंगा हालेर बाटो बनाइएको थियो। तर सुविधासम्पन्न सडकमा गुड्ने मन्त्रीको गाडी खोलामा हालल्ल्दा डुबेको हो । 

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]