रसुवा : कालिका गाँउपालिका–५ घलेगाउँमा पाँच घर पहिरोको उच्च जोखिममा परेको छ।
सोमबार रातिदेखि परेको अविरल वर्षाको कारण पहिरोे गएपछि गम्भीरमान सिंह र उनका पाँच छोराको घर जोखिममा परेको स्थानीय श्यामबहादुर पुडासैनीले बताए। जोखिममा परेका परिवारलाई सार्नका लागि ठाउँ खोजी भइरहेको छ।
चार घर पूर्ण जोखिममा रहेको र एउटा घर पूर्ण क्षति भएर विस्थापित भएको सूचना आएको प्रमुख जिल्ला अधिकारी अर्जुन भण्डारीले बताए। जोखिममा रहेका परिवारको स्थानान्तरण गरिने उनको भनाइ छ।
तपाईंको ईमेल गोप्य राखिनेछ ।