कस्लाइ हो शत्रु भनेर जान्नू
आफ्ना दशै इन्द्रिय शत्रु मान्नू।
कसलाइ खुब् मित्र भनेर मान्नू
जीत्या तिनै इन्द्रिय मित्र जान्नू।।
दरिद्र नाऊँ नरमा छ कस्को
विशाल तृष्णा घरमा छ जस्को।
कन् हो धनी सब् नरले कह्याको
सन्तोषले जो छ खुसी रह्याको।।
जिउँदै मर् याको भनि नाम् छ कस्को
उद्यम् विना बित्तछ काल जस्को।
अमृत–सरी कुन् छ भन्या निराशा
पाशा कऊन् हुन् ममतै छ पाशा।।
कौनै वखतमा पनि क्या नगर्नू
पाप्का अगाडि कहिल्यै नसर्नू।
विद्वान् पुरुषले कति काम नगर्नू
स्वधर्म थामीकन शास्त्र पढ्नु।।
(आदिकवि भानुभक्त आचार्यको ४९ श्लाेकको प्रश्नोत्तरमालाबाट)
तपाईंको ईमेल गोप्य राखिनेछ ।