काठमाडौं : पत्रकार शालिकराम पुडासैनीलाई आत्महत्या गर्न दुरुत्साहन गर्ने अभियुक्तहरू टिभी कार्यक्रम प्रस्तोता रवि लामिछाने, पत्रकार युवराज कँडेल र अस्मिता कार्कीका बारेमा चितवन जिल्ला अदालतले आदेश जारी गरेको छ।
आदेशमा रविलाई पाँच लाख, युवराजलाई तीन लाख धरौटी र अस्मितालाई साधारण ताखेमा छोड्नु भनिएको छ।
पुडासैनीले गत साउन २० गते चितवनको एक होटलमा आत्महत्या गरेका थिए। उनले आत्महत्या गर्नुपूर्व मोबाइलमा भिडियो रेकर्ड गरेका थिए। जसमा रवि, युवराज र अस्मिताले आफूलाई मर्न बाध्य पारेको बताएका थिए।
उक्त भिडियोको आधारमा प्रहरीले अनुसन्धान अगाडि बढाएको थियो। पुडासैनीले आत्महत्या गरेको १० दिनपछि चितवन प्रहरीले रवि, युवराज र अस्मितालाई काठमाडौंबाट पक्राउ गरेर अनुसन्धानका लागि चितवन लगेको थियो।
प्रहरी अनुसन्धान र अदालतको बयान तथा थुनछेक बहसका क्रममा १२ दिन प्रहरी हिरासतमा बसेका तीनैजनालाई अदालतले रिहा गर्न भनेको हो।
उनीहरूलाई असोज ५ गते तारेख पनि तोकिएको छ।
रवि, युवराज र अस्मिताका नाममा जारी भएको अदालतको आदेशको पूर्णपाठ पढ्नुहोस् :
तपाईंको ईमेल गोप्य राखिनेछ ।