सिरहा : सिरहा प्रहरीले जिल्लाका विभिन्न ठाउँबाट चोरी, कुटपिट र लेनदेन मुद्दाका पाँच जना फरार प्रतिवादीलाई पक्राउ गरी सार्वजनिक गरेको छ।
जिल्ला प्रहरी कार्यालय सिरहाका अनुसार मंगलबार बिहान सादा पोशाकमा खटिएको गस्ती टोलीले सिरहा नगरपालिका २ का कुटपिट मुद्दाका फरार प्रतिवादी ६२ वर्षीय धनिकलाल महरा, ९ का ६२ वर्षीय रामचन्द्र गडेरी र चोरी मुद्दाका फरार प्रतिवादी सिरहा १९ बस्ने २० वर्षीय ज्ञानचन्द्र मुखियालाई पक्राउ गरेको हो।
त्यस्तै प्रहरीले कुटपिट मुद्दाका फरार प्रतिवादी सिरहा ७ बस्ने २६ वर्षीय बालकृष्ण मुखियासहित लेनदेन मुद्दाका फरार प्रतिवादी सिरहा ५ की ६० वर्षीया लखिपतदेवी साहलाई लुकिछिपी बसेको अवस्थामा पक्राउ गरेको जनाएको छ।
पक्राउ गरिएकाहरुलाई मंगलबार नै सिरहा जिल्ला अदालतमा बुझाएको सिरहा प्रहरीका सूचना अधिकारी डिएसपी अपिलराज बोहराले बताए।
तपाईंको ईमेल गोप्य राखिनेछ ।