प्रमुख आयुक्त भन्छन् - अव्यवहारिक भएको कारण अघि बढाउन सकिएन
प्रमुख आयुक्त भन्छन् - अव्यवहारिक भएको कारण अघि बढाउन सकिएन
काठमाडौं : काठमाडौं उपत्यकाको विकासको लागि तयार पारिएको गुरु योजना कागजमा सीमित भएको छ। उपत्यकाको भौगोलिक, ऐतिहासिक, वातावरणीय तथा सामाजिक पक्षको विषयमा २ वर्षको अध्ययनपछि काठमाडौं उपत्यका विकास प्राधिकरणले तयार पारेको गुरु योजना अहिले सोही प्राधिकरणको दराजमा थन्किएको हो।
२०७१ सालमा भावी सहर, बसपार्क, सपिङ मल, कलेज, अस्पताललगायत निर्माणको कल्पना गरिएर बनाइएको प्रतिवेदन व्यवहारिक नभएको भन्दै अघि बढाइएको छैन।
जापानी दातृ निकाय जाइकाको सहयोगमा तयार पारिएको चार सय पेजको गुरु योजना २०७१ पुस ११ गते शहरी विकास मन्त्रालयमा अन्तर्गतको उपत्यका विकास समितिमा छलफलको लागि पठाइएको थियो। त्यसपछि भने योजना अघि बढ्न सकेको छैन।
तत्कालिन प्रमुख विकास आयुक्त योगेश्वर पराजुली भन्छन् 'काठमाडौं उपत्यकाको दीर्घकालीन योजना सहित लामो समयको अध्ययन र अनुसन्धानपछि तयार पारीएको योजना हो, तर किन कार्यान्वयनको चरणमा जान सकेन थाहा भएन।' 'उपत्यकालाई राम्रो र व्यवस्थित बनाऔ भनेर ल्याएको योजना हो कार्यन्वयनमा आउँदा राम्रो हुने थियो तर यसमा म धेरै कमेन्ट गर्दिन' उनले थपे।
सन् २०१५ देखि ०३५ सम्मको २० वर्षीय गुरुयोजना मन्त्रिपरिषदबाट पारित गराउनु पर्ने भएता पनि मन्त्रिपरिषद नै पुग्न नसकेको कारण अघि नबढेको पराजुली बताउँछन्। 'छिटो मन्त्रिपरिषदबाट पारित गराई कार्यन्वनयमा लैजाने चरणमा थियौ, दुई चार महिनामै भूकम्प गयो, त्यसपछि अलपत्र परेको परै भएको छ' पराजुलीले थाहाखबरसँग भने।
के थियो गुरु योजनामा ?
तत्कालिन प्रमुख विकास आयुक्त पराजुलीको नेतृत्वमा तयार पारिएको २० वर्षे गुरु योजनामा उपत्यका विकासको विभिन्न भागलाई समेट्ने प्रयास गरिएको छ। यस्ता थिए ती योजना :
यी लगायत थुप्रै योजना बुनेर बनाइएको चार सय पेजको योजना भने अव्यवहारिक भएको भन्दै काठमाडौं उपत्यका विकास प्राधिकरणको दराजमै थन्क्याएको छ। प्राधिकरणका प्रमुख विकास अायुक्त्त भाइकाजी तिवारीले नै त्यो योजना कार्यन्वनमा आउन नसक्ने बताएका छन्।
'म प्राधिकरणमा रहेको समयमानै योजना बनाइएको हो, तर अहिले प्रमुख आयुक्तको रुपमा म पुन यहाँ आएको छु त्यो योजना व्यवहारिक छैन त्यसैले पनि अघि बढाइएन' प्राधिकरणका प्रमुख विकास आयुक्त भाइकाजी तीवारीले थाहाखबरसँग भने। 'सपना देखाउने र सपना बाँड्ने भन्दा पनि अहिले के गर्न सकिन्छ भन्ने विषयमा मात्रै मेरो ध्यान केन्द्रित भएको छ' तिवारीले थपे।
तपाईंको ईमेल गोप्य राखिनेछ ।