काठमाडौं
मुलुकभरका कक्षा एक र दुईका १५ लाख १३ हजार ५ सय ७ विद्यार्थीका लागि ७५ लाख ६७ हजार ५ सय ३५ थान पाठ्यपुस्तक आवश्यक पर्छ तर निजी प्रकाशकले पाठ्यपुस्तक न्युन मात्रामा छापिरहेका छन्।
फागुन १ गते सुरु हुने नयाँ शैक्षिक सत्रका लागि पुस्तक लिन जनक शिक्षा सामग्री केन्द्रको नेपालगञ्ज क्षेत्रीय कार्यालय आइपुगेका डोल्पाका व्यापारीले भने, यो वर्ष पनि शैक्षिक सत्र सुरु हुँदा कक्षा एक र दुईका विद्यार्थीको हात खाली हुने भएको छ। दिनहुँजसो ताकेता गरे पनि सम्बन्धित व्यक्ति सम्पर्कमै नआएको र छापिएका पाठ्यपुस्तक देख्न नपाएको उनले बताए।
निजी छापाखानका प्रतिनिधि दीपक भण्डारीले केही प्राविधिक समस्याका कारण पुस्तक छपाइमा ढिलाइ भएको बताए। फागुन १ मा शैक्षिक सत्र सुरु हुने जिल्लामा ५ गतेभित्र पाठ्यपुस्तक पुर्याउने उनले दाबी गरे।
‘मनाङमा ९ सय ३२ र मुस्ताङमा २ सय ५१ विद्यार्थी छन् उनीहरूलाइए आवश्यक पर्ने करिब ६ हजार ५ य थान पुस्तक पुर्याउन निजी क्षेत्रलाई कुनै समस्या छैन’, उनले भने। नेपालगञ्जमा भेला भएका बेला व्यापारीलाई २ गते किताब हात पार्ने भणडारी ले बताए।
जनक शिक्षा पोखरा क्षेत्रीय कार्यालयका प्रमुख जयराम अर्यालले मनाङ र मुस्ताङमा आवश्यक पर्ने कक्षा ६ देखि १० को करिब ८ हजार थान पुस्तक सम्बन्धित जिल्लामा पुर्याइसकेको दाबी गरे। केन्द्ले पुर्याए पनि निजीले जिम्मा लिएको १ देखि ५ सम्मका पुस्तक आइनपुगेको उनको भनाइ छ।
जुम्ला, हुम्ला डोल्पा, मनाङ र मुस्ताङमा फागुन १ गते नयाँ शैक्षिक सत्र सुरु हुँदैछ। जनक शिक्षाका नेपालगञ्ज क्षेत्रीय कार्यालय प्रमुख रवीन्द्र शर्माले हिमाली जिल्लाका लागि ६–१० का सम्पूर्ण पाठ्यपुस्तक ढुवानी भइसकेको जानकारी दिए।
तपाईंको ईमेल गोप्य राखिनेछ ।