गर्नु मन्दिरमा पूजा श्रद्धाको विशेष पाटो हो
बिर्सिने नहुने यसमा ईश्वरको दिव्य स्थान जो
करुणा दया र माया बाँड्न सके पो पूजा भो
प्रेममा नै ईश्वर छ आनन्द उसको स्वरूप हो
ईश्वर त बिराट छ मन्दिरमा मात्र नभेटिने
ईश्वर नै यति सूक्ष्म छ आफैंभित्र बिलाउने
केवल एक जान्दा अनेकौं हामी नै हो बनाउने
एक भएर पनि ईश्वर नै हुन् हर एकमा रमाउने
म आश्चर्यमा पर्दै छोड्दै जाँदैछु यी रीतिलाई
जसले नदेखे झैं गर्छ सुपात्रको आर्तहरुलाई
हाल्न सक्दैन कहिलै त्यसले आहार सुपात्रलाई
दानको विज्ञापन गर्दा समेटिने हो त अहंकार नै
शर्त र नियम त व्यापारमा पो गरिन्छ नि
पूजामा त समर्पण र श्रद्धाको फूल चढाइन्छ
लाग्दैन मन मलाई गर्न पूजा विधि विधानले
सजाएर ईश्वरलाई ह्र्दयको भित्र म राख्दछु
प्रेममा स्वार्थ नभए झैं आनन्दको रूप कहाँ छ र
सदा आनन्दमा रहँदै यो चित्तमा भइ स्थिर
त्यही स्वरुपमा स्थित भइरहेको म नश्वर
त्यसैको गरेमा पूजा देखिन्छ जगतै ईश्वर
निर्मला अचार्य
तपाईंको ईमेल गोप्य राखिनेछ ।