समाज

करेन्ट लागेर चितवनमा गैंडा मर्‍यो
SHARES

साउन २५, २०७३

    अनिल ढकाल

    चितवन : चितवनको मेघौलीमा एउटा गैडाको मृत्यु भएको छ। पश्चिम चितवनको मेघौलीमा रहेको चौधरी ग्रुपको होटल मेघौली सेराई छेउमा एक वयस्क पोथी गैडा मृत अवस्थामा फेला परेको हो। 

    होटलको लापरवाहीका कारण गैडा मरेको हुन सक्ने स्थानीयले आशंका गरेका छन्। होटल सेराईले नजिकैको राप्ती नदीमा पर्यटकलाई मनोरञ्जनका लागि तैरने ब्यवस्था मिलाउनका लागि ड्रम राख्न वेल्डिङ गर्ने काम गरिरहेको छ। सोही स्थानमा गैडा मृत अवस्थामा फेला परेको हो। 

    वेल्डिङ गर्नका लागि लगिएको बिजुलीको तार त्यसै छोडेपछि राती करेन्ट लागेको हुनसक्ने स्थानीयले बताएका छन्। तर, वेल्डिङको सामान भने लुकाइएको थियो। चितवन राष्ट्रिय निकुञ्जको प्रारम्भिक अनुसन्धानले पनि करेन्ट लागेको अनुमान गरेको छ। निकुञ्जका सुचना अधिकारी नरेन्द्र अर्यालले पनि घटनाको प्रारम्भिक अनुसन्धानबाट बुझ्दा करेन्ट लागेर मरेको हुन सक्ने बताएका छन्। 

    घटनाको थप अनुसन्धानका लागि होटलका कर्मचारी र केही स्थानीय गरी ७ जनालाई राष्ट्रिय निकुञ्जले नियन्त्रणमा लिएको छ भने केहीको खोजी कार्य भईरहेको निकुञ्जले जनाएको छ। पोष्टमार्टमको रिपोर्ट बुधवारसम्म आउने अर्यालले बताएका छन्।

    आइतबार राती गैंडा मरेपनि सोमबार बिहान मात्र थाहा पाएको मेघौली मध्यवर्ती उपभोक्ता समितिका अध्यक्ष श्याम अधिकारीले बताए। घटनास्थलको प्रकति हेर्दा पनि करेन्ट लागेको हुन सक्ने मध्यवर्तीका अध्यक्ष अधिकारीले बताएका छन्।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
फोन : ९७७-१- ४७८६५६२
बिज्ञापनः ad@thahakhabar.com
फोन : ९७७-१-४७८६१९८ ९८४१३०४३९१ (प्रेम) / ९८१८३४३६६९ (विनय)

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]