काठमाडौँ : सर्वोच्च अदालतले सिधाकुरा डटकम अनलाइनले प्रकाशन र प्रसारण गरेको स्टिङ अपरेसनसम्बन्धीको अडियोविरुद्ध अदालतको अवहेलना मुद्दामा बयानक...
भारतीय रुपैयाँसहित चार नेपाली पक्राउ
साउन २, २०७५
बुटवल : चारजना नेपालीलाई भारतीय नोटसहित प्रहरीले बुधवार भैरहवाबाट पक्राउ गरेको छ। नक्कली नोट कारोबारको आशंकामा भैरहवास्थित होटल ह्वाइट लोटसबाट प्रहरीले चारजनालाई पक्राउ गरेको हो।
उनीहरूको साथबाट पुरानो भारु एक हजार दरको नोटहरू दुर्इ हजार ६५० थान र ५०० दरको नोटहरू पाँच हजार ३०० थान गरी ५३ लाख बरामद भएको छ।
पक्राउ पर्नेहरूमा रुपन्देहीको रोहिणी गाउँपालिका–५ का ५४ वर्षीय दूधनाथ योगी, सिद्धार्थनगर नगरपालिका–२ का ३७ वर्षीय गणेश थापा, बुटवल उपमहानगरपालिका–१६ का ४२ वर्षीय हेमराज कठरिया र सिद्धार्थनगर नगरपालिका–८ का ३८ वर्षीय राजु बुढाथोकी रहेको जिल्ला प्रहरी कार्यालय रुपन्देहीद्वारा जारी विज्ञप्तीमा जनाइएको छ।
बरामद गरिएको भारतीय रुपैयाँ र पक्राउ परेका व्यक्तिहरूलाई थप अनुसन्धान तथा कारवाहीका लागि राजस्व अनुसन्धान विभाग, काठमाडौं पठाइएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।