काठमाडौं : नेपाल कम्युनिष्ट पार्टी एमालेकी पूर्वसांसद शान्ता चौधरी स्नातक तहको पहिलो वर्षको परीक्षामा फेल भएकी छिन्। सामाजिक सञ्जालबाट आफ...
गुडिरहेको ट्याक्टरबाट खसेर एकको मृत्यु, एक वृद्धा घाइते
प्रतीकात्मक फोटो
साउन २५, २०७५
भद्रपुर, (झापा) : झापाको गौरादह नगरपालिका १ स्थित भित्री सडकखण्डमा ट्याक्टरबाट खसेर एक जनाको मृत्यु भएको छ।
मृत्यु हुनेमा दमक नगरपालिका १ निवासी २८ वर्षीय कमल तामाङ रहेको जिल्ला प्रहरी कार्यालय झापाका प्रहरी नायव उपरीक्षक जितेन्द्रकुमार बस्नेतले जानकारी दिए। उनका अनुसार मे १ त ६५५३ नम्बरको गुडिरहेको ट्याक्टरबाट खस्दा गम्भीर घाइते भएका तामाङको लाइफ लाइन अस्पताल दमक शुक्रबार उपचारको क्रममा मृत्यु भएको हो। यता ट्याक्टरसहित चालक दमक नगरपालिका १ निवासी २४ वर्षीय दर्शन तामाङलाई इलाका प्रहरी कार्यालय दमकले नियन्त्रणमा लिएको जनाइएको छ ।
यसैगरी मेचीनगर नगरपालिका ४ स्थित जोगी डाँडामा मोटरसाइकलले ठक्कर दिँदा एक वृद्धा घाइते भएका छन् । मे १ प ६६२६ नम्बरको मोटरसाइकलको ठक्करबाट सोही ठाउँका ८० वर्षीया तीलमाया कडरिया घाइते भएकी प्रहरी कार्यालय झापाले जनाएको छ। घाइते कडरियाको स्थानीय अस्पतालमा उपचार भइरहेको छ, भने मोटरसाइकसहित चालक मेचीनगर नगरपालिका ४ निवासी २२ वर्षीय अनिल कार्कीलाई प्रहरी चौकी बाहुनडाँगीले नियन्त्रण लिएको जनाइएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।