भुम्या पर्वमा मगर समुदायले भूमिलाई देवताको रूपमा पुज्ने गर्छ। यो पर्वमा भूमिको पूजा गरे प्राकृतिक विपत्तिबाट बच्न सकिने विश्वास गरिन्छ। भुम्या पर्व पूजापाठ तथा नाचगान गरी मनाइन्छ। भुम्या थानमा देवतालाई बलि दिएर पूजा गरिसकेपछि लगातार पाँच दिनसम्म भूम्या नाच नाच्ने चलन पनि छ।

भुम्याको अवसरमा नेपाल मगर संघको आयोजनामा काठमाडौंमा टुँडिखेलमा आइतबार दुईदिने कार्यक्रम शुरु हुँदैछ । कार्यक्रमको उद्घाटन दिउँसो २ बजे उर्जामन्त्री वर्षमान पुनले गर्ने संघले जनाएको छ।