काठमाडौँ : ललितपुर महानगरापालिका-१७ स्थित एक टहरोमा आगलागी हुँदा घाइते भएका एकै परिवारका ५ मध्ये दुई बालिकाको मृत्यु भएको छ। आगलागीम...
स्काभेटर जलाएनजिकै प्रेसर कुकर बम, इटहरीबाट सेनाको डिस्पोजल टोली जाँदै
फाइल फोटो
असार १, २०७६
सोलुखुम्बु : अज्ञात समूहले गरेको आगजनीबाट सोलुखोला हाइड्रोपावर प्रोजेक्टले प्रयोग गर्दै आएको स्काभेटरमा आंशिक क्षति भएको छ। सोलु दूधकुण्ड नगरपालिका-११ तिङ्लामा ८२ मेगावाटको निर्माणाधीन सोलु खोला दूधकोशी हाइड्रोपावर प्रोजेक्टको स्काभेटरमा शनिबार राति आगजनी भएको थियो।
स्काभेटर आगजनी गरेको घटनास्थलको १५ मिटर नजिकै प्रेसर कुकर बम फेला परेको र बम डिस्पोजका लागि इटहरीबाट नेपाली सेनाको टोली आउँदै गरेको घटनास्थलबाट प्रहरी निरीक्षक उत्तम कार्कीले जानकारी दिए।
प्रहरी निरीक्षक कार्कीका अनुसार आगजनी गरिएको स्काभेटर कोबेल कम्पनीको रहेको र नम्बर भने खुल्न बाँकी रहेको बताइएको छ। आगलागी कसले गराएको हो र प्रेसर कुकुर बम कसले राखेको हो भन्नेबारे केही खुलिनसकेको पनि प्रहरी निरीक्षक कार्कीले बताए।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।