काठमाडौं : भक्तपुरको एक गाई फर्ममा आगलागी हुँदा १० वटा गाई मरेका छन्। सूर्यविनायक नगरपालिका वडा नम्बर १ दधिकोट तर्खालमा ईश्वर न्यौपा...
थाहानगर : थाहा दर्शनका अभियान्ता रूपचन्द्र विष्टको २० औं स्मृति दिवसमा थाहा नगरपालिकामा साहित्य महोत्सव भएको छ । थाहा नगरपालिकामा जन्मिएर जनमुखी राजनीति गरेका रूपचन्द्र विष्ट र उनका दर्शनलाई सम्झिँदै थाहा नगरपालिकाले प्रथम पालुङ साहित्य महोत्सव गरेको हो ।
थाहा नगरपालिकाको विकासघरमा भएको कार्यक्रममा स्वर्गिय रूपचन्द्र विष्टको थाहा अभियानबारे रचना प्रस्तुत भएका थिए । थाहा दर्शनलाई अँगालेका विभिन्न स्थानबाट आएका व्यक्तित्वहरुले कार्यक्रम हल भरिएको थियो ।
देशका विभिन्न भागका साहित्यकारहरुले विष्टको जीवनका चर्चा, परिचर्चा साहित्य मार्फत गरेका थिए । मुक्तक, कविता, गजल, लगायतका साहित्यिक विद्याहरु छुटटएर पालैपालो साहित्य प्रस्तुत भएको थियो ।
साहित्यकारहरुले सरकारलाई व्यङ्ग्य गर्दै रूपचन्द्र विष्टको गति समात्नु पर्नेमा जोड दिएका थिए । पालुङ साहित्य परिषदको व्यवस्थापनमा भएको साहित्यिक महोत्सवमा करिब ३० जना साहित्यकारको प्रस्तुती थियो ।
जनमुखी सहकर्मी स्वनाम साथीको प्रमुख आतिथ्यतामा भएको कार्यक्रमा थाहा नगरपालिकाका नगरप्रमुख लवशेर विष्टको सभाध्यक्षता रहेको थियो । रुदाने, जसरु जस्ता नामले चिनिने स्वर्गीय रूपचन्द्र विष्टको स्मृतिमा हेटौंडामा पनि विभिन्न संघ संस्थाहरुले कार्यक्रम गरेका थिए ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।