कालिकोट : नन्दादेवी माध्यामिक विद्यालय कोटवाडाका शिक्षक रत्नसिंह साउदलाई कालो मोसो दलिएको छ। फागुन १८ गते हुने स्ववियु निर्वाचन १६ गते नै घोषणा गरेर सदरमुकाम फर्किएका भन्दै नेपाल विद्यार्थी संघ र अनेरास्ववियु कालिकोटले साउदलाई कालो मोसो दलेका हुन्।
साउदलाई कालोमोसो दलेपछि कालिकोटमा सदरमुकाममा झडप भएको छ। झडपमा परि ४ जना घाइते भएको जिल्ला प्रहरी कार्यालय कालिकोटले जनाएको छ।झडपमा मदन सिंह गम्भीर घाइते छन्। उनको जिल्ला अस्पतालमा उपचार भैरहेको छ। त्यस्तै मन्दीरराज रोकाया घाइते भएका छन् । प्रहरीले अश्रुग्याँस प्रहार गरेर झडप नियन्त्रणमा लिएको छ।
तपाईंको ईमेल गोप्य राखिनेछ ।