ओखलढुंगा : कृषि ज्ञान केन्द्र ओखलढुंगाले जिल्लाका विभिन्न स्थानिय तहका ६२ जना किसानलाई आधुनिक कृषि औजार वितरण गरिेको छ। ७५ प्रतिशत अनुदानमा किसानलाई आधुनिक कृषिऔजार वितरण गरेको हो।
जिल्लामा आर्थिक वर्ष २०७७÷०७८ को वार्षिक कार्यक्रम अनुसार ३८ लाख ६० हजार बजेट बाट ५५ वटा मिनिटिलर र सात वटा थ्रेसर वितरण गरिएको छ। मिनी टिलर, थ्रेसर लगायतका कृषि औजार वितरण गरिएको कृषि ज्ञान केन्द्रका प्रमुख हेम आलेले बताए। कृषकहरूलाई आधुनिक र व्यावसायिक खेतीतर्फ उन्मुख गराउँदै छिटो र छरितो कामका लागि कृषि औजार तथा उपकरणहरू वितरण गरिएको आलेको भनाइ छ।
आफूहरुलाई राज्यले आधुनिक कृषि औजार दिएपछि समयको बचत हुने र अरु कामहरुपनि समयमा गर्न पाउने भएका कारण कृषि औजार पाएपछि खुसी रहेको किसानहरुको भनाइ थियो।
केन्द्रले जिल्लाका आठ वटै स्थानीय तहका कृषक, कृषि समूह, कृषि सहकारी संस्था तथा कृषिफर्महरूलाई मागको आधारमा ७५ प्रतिशत अनुदानमा कृषि औजार वितरण गरेको हो। कार्यालयका अनुसार जिल्ला स्तरिय अनुदान छनौट समितिले ६२ जना कृषकहरूलाई छनोट गरी सिफारिस गरेको र सोहीअनुसार औजार वितरण गरिएको हो।
तपाईंको ईमेल गोप्य राखिनेछ ।