विराटनगर : नेकपा माओवादी केन्द्रले विराटनगर उपमहानगरपालिका प्रमुख र उपप्रमुखसहित १६ वटा वडाका उम्मेदवारको टुंगो लगाएको छ। पार्टी कार्यालय तीन पैनीमा शनिबार आयोजित उम्मेदवार घोषणा कार्यक्रममा १६ वटा वडाका अध्यक्ष तथा सदस्यहरुको नाम सार्वजनिक गरेको हो। अन्य ३ वटा वडाको पनि आइतबार सम्ममा उम्मेदवारको टुंगो लगाउने माओवादी केन्द्रले जनाएको छ।
यसअघि नै माओवादी केन्द्रले उपमहानगरपाललका प्रमुखमा भोगेन्द्र यादव र उपप्रमुखमा नमिता न्यौपानेको टुंगो लगाइसकेको थियो। विराटनगर उपमहानगरपालिकाका इन्चार्ज यादव महेन्द्र मोरङ क्याम्पसको विद्यार्थी राजनीतिदेखि नै कम्युनिस्ट पार्टीमा आबद्ध छन्। यस्तै उपप्रमुखकी उम्मेदवार नमिता न्यौपाने पोखरेल शान्ति प्रक्रिया सँगसँगै माओवादीको राजनीतिमा समाहित भएकी हुन्। माओवादी केन्द्रले विराटनगरको ४, १०, १४ र १५ नम्बर वडाको उम्मेदवारी टुंग्याउन बाँकी रहेको छ।
कार्यक्रमको घोषणासभामा बोल्दै नगर प्रमुखका उम्मेदवार भोगेन्द्र यादवले समग्र राजनीतिक आन्दोलनको अगुवाई माओवादीले गर्दै आएको कारण जित पनि माओवादीकै हुने दाबी गरे। आफूहरुलाई हार्ने छुट नभएको भन्दै यादवले पार्टी एकताबद्ध भए जित सुनिश्चित हुने बताए।
उपप्रमुखकी उम्मेदवार नमिता न्यौपानेले विराटनगरमा परम्परादेखि जमाउँदै आएका भनिएका पुराना पार्टीलाई यसपटक धक्का दिने बताइन्। ‘हामीले जितेर देखाउँछौं, हामी कमजोर छैनौं,’ न्यौपानेले भनिन्, ‘सुकुम्बासी, दलित, महिला, आदिवासी जनजाति, मधेसीलगायत उत्पीडित समुदायको साथ हामीलाई छ।’
तीन नम्बर वडामा महिला मात्रै उम्मेदवार
यसैबीच, माओवादी केन्द्रले विराटनगर वडा नम्बर ३ मा अध्यक्ष तथा सदस्यहरु पाँचै जना महिला उम्मेदवार बनाएको छ। जिल्लामा एक गाउँ वा वडा नमुना बनाउने उद्देश्यले महिलाहरुलाई मात्रै उम्मेदवार बनाइएको माओवादी केन्द्र विराटनगरका उम्मेदवार छनोट समितिका सदस्य हरि घिमिरेले बताए।
यसरी उम्मेदवार हुनेहरुमा सुशीला भट्टराई घिमिरे अध्यक्ष, अप्सरा निरौला र हिरादेवी घिमिरे गिरी सदस्य खुला तथा कल्पना पोखरेल महिला सदस्य र लक्ष्मीदेवी विक दलित महिला सदस्य रहेका छन्।
कार्यक्षमता र योग्यतालाई ध्यान दिँदै पार्टीले वडामा महिलाहरुको मात्रै उम्मेदवारी सिफारिस गरेको माओवादी मोरङका इन्चार्ज कुशल लिम्बूले बताए।
‘यसअघि भने ३ जना पुरुषहरुले पनि दाबेदारी दिनुभएको थियो,’ अध्यक्षकी उम्मेदवार सुशीला भट्टराईले भनिन्, ‘पछि सबै ब्याक हुनुभयो र हामीलाई सहयोग गर्ने भन्नुभएको छ।’ आफूहरुको उम्मेद्वारीले महिलाहरुलाई माओवादीले प्राथमिकता दिएको पुष्टि भएको उनले बताइन्। महिला सशक्तीकरण र राज्यको सबै निकायमा पहुँच पु¥याउन यस्तो सहभागिता अन्य स्थानमा पनि हुनुपर्नेमा उनको जोड छ।
यस्तै, माओवादी केन्द्रबाट चार वटा वडाको नेतृत्व महिलाले गर्ने भएका छन्। वडा नम्बर ३ मा सुशीलादेवी भट्टराई घिमिरे, वडा नम्बर ५ मा अम्बिका पराजुली, वडा नं. ८ मा सरस्वती ओझा र वडा नम्बर ९ मा टिका गुरुङ वडा अध्यक्षका उम्मेदवार बन्ने भएका हुन्।
यस्तै दुइ वटा वडामा दलितले नेतृत्व गर्नेछन्। जसमा वडा नम्बर २ मा विजयकुमार साही पुर्कुटी र वडा नम्बर १९ मा काशी ऋषिदेव रहेका छन् भने वडा नम्बर १७ मा मुस्लिमको नेतृत्व रहेको छ। जसमा मोहम्मद मुन्ना मिया जावेद अध्यक्षका उम्मेदवार बनेका छन्।
विराटनगर उपमहानगरपालिकामा माओवादी केन्द्रबाट टुंगो लगाइएको उम्मेदवारको नामावली :
प्रमुख
भोगेन्द्र यादव
उपप्रमुख
नमिता न्यौपाने
वडा नं. १
ईश्वर खतिवडा (अध्यक्ष)
सरस्वती पोद्धार (महिला सदस्य)
सनचरी पासवान (दलित सदस्य)
पुण्य साह (खुल्ला सदस्य)
नेत्र प्रसाद निरौला (खुल्ला सदस्य)
वडा नं. २
विजयकुमार साही पुर्कुटी (अध्यक्ष)
जयमाला पोद्धार (महिला सदस्य)
सोसिला कुमारी मोची (दलित सदस्य)
सारदा प्रसाद गिरी (खुल्ला सदस्य)
फौदार दास (खुल्ला सदस्य)
वडा नं. ३
सुशीलादेवी भट्टराई घिमिरे (अध्यक्ष)
कल्पना पोखरेल (महिला सदस्य)
लक्ष्मीदेवी वि.क. (दलित सदस्य)
अप्सरा निरौला (खुल्ला सदस्य)
हिरादेवी घिमिरे रेग्मी (खुल्ला सदस्य)
वडा नं. ५
अम्बिका पराजुली (अध्यक्ष)
राधिका घिमिरे (महिला सदस्य)
ललिता देवी पासवान (दलित सदस्य)
सर्युग मण्डल (खुल्ला सदस्य)
राजु केवट (खुल्ला सदस्य)
वडा नं. ६
विजय कामत (अध्यक्ष)
चम्पा खत्रि (महिला सदस्य)
सुशीला पासवान (दलित सदस्य)
सन्तोष बहादुर साह (खुल्ला सदस्य)
होजी अहम्मद अन्सारी (खुल्ला सदस्य)
वडा नं. ७
शिवकुमार कार्की (अध्यक्ष)
दुर्गा बि.क. (दलित सदस्य)
संजय कुमार धाडेवा (खुल्ला सदस्य)
बैजुनाथ कामत (खुल्ला सदस्य)
वडा नं. ८
सरस्वती ओझा (अध्यक्ष)
सुशीला कामत (महिला सदस्य)
धनकुमारी गजमेर (दलित सदस्य)
नवराज पोखरेल (खुल्ला सदस्य)
मोहम्मद सदाय हुसेन (खुल्ला सदस्य)
वडा नं. ९
टीका गुरुङ (अध्यक्ष)
बन्दना थापा मिश्र (महिला सदस्य)
नविन हुसेन (खुल्ला सदस्य)
राजकुमार शर्मा (खुल्ला सदस्य)
वडा नं. १०
सुकुमार मण्डल (अध्यक्ष)
वडा नं. ११
विनोद साह (अध्यक्ष)
सीतादेवी साह (महिला सदस्य)
रोशन राज राना (खुल्ला सदस्य)
उमेश सहनी (खुल्ला सदस्य)
वडा नं. १२
विष्णुकुमार कामत (अध्यक्ष)
रविना घतानी (दलित सदस्य)
अमिरलाल राजवंशी (खुल्ला सदस्य)
बलिराम ऋषिदेव (खुल्ला सदस्य)
वडा नं. १३
रामचन्द्र महतो (अध्यक्ष)
मिनाकुमारी यादव (महिला सदस्य)
सन्तोष तामाङ (खुल्ला सदस्य)
सुरेन शाह (खुल्ला सदस्य)
वडा नं. १६
गोपाल यादव (अध्यक्ष)
अन्जुदेवी मण्डल (महिला सदस्य)
फूलदेवी पासवान (दलित सदस्य)
विक्रम माझी (खुल्ला सदस्य)
प्रदीप लामा (खुल्ला सदस्य)
वडा नं. १७
मोहम्मद मुन्ना मिया जावेद (अध्यक्ष)
मोहम्मद रहु मिया (खुल्ला सदस्य)
मोहम्मद नजाम मिया (खुल्ला सदस्य)
वडा नं. १८
भवनेश्वर यादव (अध्यक्ष)
भारतीदेवी मण्डल (महिला सदस्य)
दुनियादेवी ऋषिदेव (दलित सदस्य)
आनन्दी मण्डल (खुल्ला सदस्य)
राजेन्द्र मण्डल (खुल्ला सदस्य)
वडा नं. १९
काशी ऋषिदेव (अध्यक्ष)
सुरजी ऋषिदेव (महिला सदस्य)
सोमादेवी ऋषिदेव (दलित सदस्य)
राकेश मण्डल (खुल्ला सदस्य)
रमेश चौधरी (खुल्ला सदस्य)
तपाईंको ईमेल गोप्य राखिनेछ ।