चितवन : चितवनको इच्छाकामना गाउँपालिका- ३ स्थित फिस्लिङमा आइतबार दुईवटा ट्रक एकआपसमा जुध्दा १ जनाको मृत्यु भएको छ। अन्य ५ जना घाइते भएका छन्।
मुग्लिनबाट काठमाडौं जाँदै गरेको बा २ ख १९५८ नम्बरको ट्रक र विपरीत दिशाबाट आइरहेको ना ५ ख ९१९० नम्बरको ट्रक आइतबार बिहान करिब साढे ६ बजे एकआपसमा ठक्कर खाएको चितवनका प्रहरी नायव उपरीक्षक दिपक श्रेष्ठले जानकारी दिए।
दुर्घटनामा १९५८ नम्बरको ट्रकका चालकको घटनास्थलमै मृत्यु भएको र उनको पहिचान खुल्न बाँकी रहेको प्रहरी उपरीक्षक श्रेष्ठले बताए।
शव ट्रकभित्रै च्यापिएको अवस्थामा फेला परेको थियो। दुर्घटनामा अर्को ट्रकका चालकसहित ५ जना घाइते भएको र उनीहरुलाई उपचारका लागि काठमाडौं पठाइएको प्रहरीले जनाएको छ।
दुर्घटनास्थलमा अहिले सडक एकतर्फीरुपमा मात्र सञ्चालनमा छ।
तपाईंको ईमेल गोप्य राखिनेछ ।