गोरखा : जिल्लाको पर्यटकीय क्षेत्र बारपाकमा नेपाल टेलिकमको नेटवर्कमा समस्या देखिएको छ। करिब एक हजार ४०० परिवारको बसोबास रहेको बारपाक क्षेत्रमा दुई सातादेखि टेलिकमको नेटवर्कमा समस्या आएको हो ।
स्थानीयवासी सुकबहादुर गुरुङका अनुसार नेटवर्कमा समस्या आएपछि फोन गर्न र इन्टरनेट चलाउन कठिनाइ भएको छ। ‘फोन लाग्दैन। टावर पनि देखाउँदैन। इन्टरनेट चलाउन डाटा नचल्ने समस्या छ’, उनले भने।
नेपाल टेलिकम गोरखा शाखाका प्रमुख सरोज अर्यालले बारपाकमा रहेको टेलिकमको टावरमा विद्युत् भोल्टेज नपुग्दा नेटवर्कमा समस्या आएको बताए। समस्या समाधान गर्न त्यहाँ रहेको टेलिकमको टावरमा केन्द्रीय प्रसारण लाइनको थ्री फेज लाइनको मिटर जडान गर्न कार्यालयले पहल गरिरहेको उनले बताए।
तपाईंको ईमेल गोप्य राखिनेछ ।