कास्की : गण्डकी प्रदेशको राजधानी पोखरामा बिरामीका लागि रगत अभाव भएको छ। प्रादेशिक रक्तसञ्चार केन्द्र पोखराका अनुसार दशैँको समयमा नियमित तालिकाअनुसार रक्तदान नहुँदा रगत अभाव भएको हो।
केन्द्रमा रगत अभाव हुन थालेपछि अस्पतालहरूमा उपचाररत बिरामीलाई तत्काल रगत अभाव हुन नदिन सोमबार आकस्मिक रक्तदान कार्यक्रम आयोजना गरिएको छ । पोखरा–५ जिरो किमीमा गरिएको रक्तदान कार्यक्रमबाट ४० युनिट रगत संकलन भएको केन्द्रका प्रमुख अर्जुन ज्ञवालीले बताए।
सहज आपूर्तिका लागि दैनिक कार्यक्रम हुनुपर्ने उनको भनाइ छ। पोखरामा दैनिक ७० देखि ७५ युनिट रगत आवश्यक पर्ने केन्द्रले जनाएको छ। प्रदेशका अन्य जिल्लाबाट समेत यहाँका अस्पतालमा बिरामी उपचारका लागि सिफारिस भएर आउने भएकाले पोखरामा रगतको माग उच्च हुन्छ।
तपाईंको ईमेल गोप्य राखिनेछ ।