काठमाडौं : नेपाल चेम्बर अफ कमर्सका विषयगत समितिहरुको नेतृत्व चयन भएको छ। चेम्बर अन्तरर्गतका २४ वटा विभागको सभापति चयन भएको हो।
विपद व्यवस्थापन परिषदको सभापतिमा वरिष्ठ उपाध्यक्ष दीपक मल्होत्रा चयन भएका छन्। महिला चेम्बरको सभापतिमा उपाध्यक्ष उर्मिला श्रेष्ठ, रोजगारदाता परिषदको सभापतिमा उपाध्यक्ष दीपक श्रेष्ठ चयन भएका छन्।
यस्तै, उपाध्यक्षहरु सुरेन्द्रकुमार श्रेष्ठ वस्तुगत समन्वय परिषद, नीलकण्ठ चौलागाईं संस्थागत समन्वय परिषद् एवं सन्तोष कुमार पाण्डे जिल्ला समन्वय परिषदको सभापति बनेका हुन्। मानार्थ उपाध्यक्ष अर्जुनप्रसाद शर्मा अन्तर्राष्ट्रिय प्रवर्द्धन समितिको सभापति चयन भएको छ।
उपभोक्ता हित आपूर्ति, स्थानीय निकाय, प्रशासन तथा स्थानीय प्रशासन, सुरक्षा समन्वय समितिको सभापतिमा देवेन्द्रभक्त श्रेष्ठ चयन हुनुभएको छ। चेम्बरको राजश्व समितिमा पर्शुराम दाहाल, अतिथि सत्कार, क्लव तथा मर्मत संभार समितिको सभापतिमा राजा रत्न तुलाधर, मेला समितिमा राष्ट्रभुषण चाकुबजी, कृषि जडिबुटी तथा वनजन्य समितिमा कृष्णमान श्रेष्ठ, उद्योग वाणिज्य समितिको सभापतिमा भिमलाल पौडेल चयन भएका छन्।
यसैगरी पूर्वाधार तथा भूमि सुधार समितिमा रोशन भोयधो, सामाजिक तथा स्वास्थ्य समितिमा मृगेन्द्रमेहर श्रेष्ठ, बैंक वित्तीय तथा विमा समितिको सभापतिमा मनोहरदास मुल, ऊर्जा समितिको सभापतिमा नरेन्द्रबल्लभ पन्त, निर्यात प्रर्वद्धन समितिको सभापतिमा संजय कुमार अग्रवाल चयन भएका छन्।
चेम्बर अफ कमर्सको खेलकुद समितिको सभापतिमा रुपक राजवंशी, सूचना प्रविधि समितिमा विज्ञान श्रेष्ठ चयन हुनुभएको चेम्बरद्धारा जारी विज्ञप्तिमा उल्लेख गरिएको छ।
चेम्बर अफ कमर्सको ७३ औं वार्षिक साधारणसभापछि बनेको नया“ कार्यसमितिले विषयगत समितिको सभापति पनि चयन गरेको हो। यसअघि सल्लाहकार परिषदको अध्यक्षमा पूर्वअध्यक्ष राजेशकाजी श्रेष्ठ चयन भएका थिए।
तपाईंको ईमेल गोप्य राखिनेछ ।