साहित्य

फिक्सन डिजाइनर नगरकोटीको संस्मरण 'दोचा' सार्वजनिक
SHARES

भदौ १७, २०७४

    काठमाडौं : 'फिक्सन डिजाइनर' उपनामले परिचित साहित्यकार कुमार नगरकोटीको संस्मरणात्मक पुस्तक 'दोचा' सार्वजनिक भएको छ। नयाँ बानेश्वरस्थित 'अल इन वान मार्ट'मा नगरकोटीका बाल्यकालका साथी अक्षय अधिकारी र उनलाई लेखनमा सहयोग गरेका रवी मल्लले संयुक्त रुपमा पुस्तक सार्वजनिक गरे। 

    पुस्तकबारे टिप्पणी गर्दै अक्षय अधिकारीले 'दोचा' नगरकोटीको नोस्टाल्जिया (पूर्व स्मृति) रहेको बताए। उनले भने, 'यो नगरकोटीको नोस्टाल्जिया हो जसमा तपाईं हामी पात्र बनेर आएका छौं।' उनले पुस्तक डायरी जस्तै भएकाले  पढ्नम आनन्द आउने बताए।

    रवी मल्लले नगरकोटीको लेखनको सुरुवाती चरण सम्झिए। 'उनका चिठीहरु आउँथे, हरेक चिठीमा कथा हुन्थे आफ्नै जस्ता लाग्ने व्याथा हुन्थे', मल्लले सम्झिए, 'ती छाप्नुपर्छ भनेर मासिक पत्रिका 'समकालिन साहित्य' मा बुझाएको थिए।'

    बुक हिलका प्रकाशक भुपेन्द्र खड्काले नगरकोटीको संस्मरण 'उनका कर्म र कुकर्मको संस्मरण' रहेको बताए। पुस्तकमा नगरकोटीका जीवनका सम्बन्धहरुलाई पनि उतारेको खड्काको दाबी छ। 

    पुस्तक सार्वजनिक कार्यक्रममा अंकितबाबु अधिकारीले लेखक नगरकोटीले रचना गरेका गीतहरु प्रस्तुत गरेका थिए। बुक हिलले प्रकाशित गरेको २६६ पृष्ठको 'दोचा'को मूल्य ५ सय रुपैयाँ रहेको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]