खेलकुद

भीमनारायण अन्तर्राष्ट्रिय आमन्त्रण गोल्डकप भोलिदेखि
SHARES

भदौ २६, २०७४

    धनकुटा : पूर्वी पहाडको प्रतिष्ठित फुटबल प्रतियोगिता शहीद भीमनारायण श्रेष्ठ अन्तर्राष्ट्रिय आमन्त्रण गोल्डकप फुटबल प्रतियोगिताको तयारी पूरा भएको छ। मंगलबार सुरु हुने प्रतियोगिताको १३ औं संस्करण धनकुटाको तल्लो टुँडिखेलमा चार दिनसम्म चल्ने आयोजकले जनाएको छ। 

    प्रतियोगितामा ‘ए’ डिभिजन टिम ब्वाइज युनियन क्लब काठमाडौं, ‘ए’ डिभिजन टिमका खेलाडी रहेको बिर्ता युथ क्लब झापा, बेलबारी युवा क्लब मोरङ, गोधुली क्लब सुनसरी, आयोजक धनकुटा ११ र गत वर्षको गोल्डकप विजेता भुटानको फ्यान्स क्लब बीआरसी गरी ६ टिम सहभागी हुने आयोजक समितिका सचिव रोशन श्रेष्ठले जानकारी दिए। 

    मंगलबार हुने उद्घाटन खेलमा आयोजक धनकुटा ११ र मोरङको बेलबारी क्लब बीच प्रतिस्पर्धा हुनेछ। प्रतियोगिताको विजेता टिमले एक लाख रुपैयाँ र गोल्डकप तथा उपविजेता टिमले ५० हजार रुपैयाँ हात पार्नेछन्। प्रतियोगिता सञ्चालनका लागि १० लाख ५० हजार रुपैयाँ खर्च हुने आयोजकको अनुमान छ। 

    नेपाली कांग्रेसका नेता शहीद भीमनारायण श्रेष्ठको नाममा २०५५ सालमा स्थापित प्रतियोगिता २०६३ देखि नियमित रूममा हुँदै अाएको छ। टुँडिखेल मर्मत सम्भार लगायतका प्राविधिक कारणले अघिल्लो वर्षको प्रतियोगिता रोकिएको थियो। अबको आठ महिनापछि नै १४ औं संस्करण हुने आयोजकले बताएको छ।

सम्बन्धित समाचार

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
मुक्तिश्री टावर
नयाँ बानेश्वर, काठमाडौं, नेपाल

इमेलः
समाचार विभाग: news@thahakhabar.com
बिज्ञापनः ad@thahakhabar.com
फोन : ९७७-१- ४७८६५६२

थाहा मिडिया ग्रुप

थाहा गणितको शुत्र होइन । कुनै मन्त्र पनि होइन । थाहा त चेतनाको त्यो झिल्को हो जसले हाम्रो दृष्टिलाई फराकिलो बनाउंँछ, हाम्रो विचारलाई उघारो बनाउँछ, हाम्रो कामलाई ठिक बनाउँछ र हाम्रो जीवनलाई थप सहज बनाउँछ । थाहा एउटा प्रकृया हो ... [विस्तृत]