९ सय रन पूरा गर्ने पहिलो नेपाली खेलाडी
९ सय रन पूरा गर्ने पहिलो नेपाली खेलाडी
काठमाडौं : विश्व क्रिकेट लिग डिभिजन २ को उपाधिका लागि युएईले दिएको २७८ रनको लक्ष्य पछ्याइरहेको नेपालका कप्तान पारस खड्काले अर्धशतक बनाएका छन्।
पारसले ७० बलमा ३ चौका ४ छक्काको मद्दतले ६३ रन बनाएर खेलिरहेका छन्। उनलाई शरद भेषवाकरले २८ रन बनाएर साथ दिइरहेका छन्।
यो अर्धशतकसँगै खड्का लिस्ट ए मान्यता प्राप्त खेलमा ९ सय रन बनाउने पहिलो खेलाडी बनेका छन्।
नेपाल ताजा स्थितिमा १७२ रन बनाएर खेलिरहेको छ। १३ ओभरको खेल बाँकी छ भने नेपालको ३ विकेट पतन भएको छ।
तेस्रो विकेटका रुपमा दिपेन्द्रसिंह ऐरीलाई २७ ओभरको दोस्रो बलमा इमरान हैदेरले ३५ रनमा आउट गरेका हुन्।
नेपालका ओपनिङ ब्याट्सम्यानद्वय ज्ञानेन्द्र मल्ल र दीलिप नाथ आउट भए।
ज्ञानेन्द्र २४ र नाथ १३ रनमा आउट भएका हुन्। नाथलाई रोहन मुस्तफाले र मल्ललाई अमिर हायातले आउट गरेका हुन्।
टस जितेर पहिले ब्याटिङ गरेको युएईले नेपालसामु २७८ रनको चुनौती पेश गरेको छ।
तपाईंको ईमेल गोप्य राखिनेछ ।