काठमाडौं : विश्वकप छनोटको प्लेअफमा पपुवा न्यूगिनीलाई नेपालले ६ विकेटले पराजित गरेको छ।
नेपालको जीतमा दीपेन्द्रसिंह ऐरीले अलराउन्ड प्रदर्शन गरे। बिहीबारको पपुवा न्यूगिनी र नेपाल बीचको खेलमा सबैभन्दा बढी विकेट लिने र रन बनाउने दीपेन्द्र नै बने।
दीपेन्द्रले ४ विकेट लिए भने नटआउट ५० रन बनाएर नेपाललाई सहज जीत दिलाए। दीपेन्द्रले ४ विकेट लिनेक्रममा ४ ओभर २ बल बलिङ गरेर १५ रनमात्र दिएका थिए। त्यस्तै, ५० रन बनाउने क्रममा उनले ५८ बलमा ३ छक्का र १ चौका प्रहार गरे।
त्यस्तै नेपालका अर्का बलर सन्दीप लामिछानेले पनि ४ विकेट लिएका थिए। जसको कारण नेपाल पपुवा न्यूगिनीसँग ६ विकेटको सहज जीत निकाल्न सफल भयो।
यो जीतसँगै नेपालको एकदिवसीय मान्यता पाउने सम्भावना बलियो बनेको छ।
अहिले जारी नेदरल्यान्ड र हङकङबीचको खेलमा नेदरल्यान्डले जीत निकाले नेपाल स्वतः एकदिवसीय मान्यता पाउनेछ। यदि हङकङले जीत निकाले नेपालले अर्को खेल आफ्नो पक्षमा पार्नु पर्नेछ।
तपाईंको ईमेल गोप्य राखिनेछ ।