काठमाडौं : सिन्धुपाल्चोकको राम्चे गाविस ७ पुरानोगाउँमा पहिरोले पुरिँदा एकै घरका ३ जनाको मृत्यु भएको छ। शनिबार बिहान साढे ५ बजे गएको पहिरोमा पुरिएर ३६ वर्षका रामकुमार तिमल्सिना, २८ वर्षका उद्धव तिमल्सिना र उनकी पत्नी सम्झना तिमल्सिनाको मृत्यु भएको हो।
पहिरोमा पुरिएर ६६ वर्षका चन्द्रकान्त न्यौपाने, ५६ वर्षकी राधा तिमल्सिना र ३० वर्षकी कमला तिमल्सिना घाइते भएका छन्। उनीहरुलाई उपचारका लागि बाह्रबिसे पठाइएको प्रहरीले जानकारी दिएको छ। पहिरोबाट २ जना बालबालिकालाई भने सकुशल उद्दार गरिएको प्रहरीले जानकारी दिएको छ।
पहिरोले घर पुरेको खबरपछि जिल्ला प्रहरी प्रमुख एसपी रवीन्द्र केसी नेतृत्वको टोली उद्दारका लागि घटनास्थल पुगेको थियो।
तपाईंको ईमेल गोप्य राखिनेछ ।