काठमाडौं : विश्वकप २०१८ को समूह बी मा रहेको स्पेन शिर्ष स्थानमा रहँदै नकआउट चरण प्रवेश गरेको छ। समूहचरणको अन्तिम खेलमा मोरक्कोसँग २-२ को बराबरी खेल्दै स्पेन अघिल्लो चरण प्रवेश गरेको हो।
स्पेन दुई पटक पछाडि परेको थियो। दुई पटक पछि परेको अवस्थाबाट कमब्याक गर्दै उसले बराबरी खेलेको हो।
मोरक्कोका लागि खेलको १४ औँ मिनेटमा खालिद बाउतिवले अग्रता दिलाए। जसको जवाफमा त्यसको पाँचौ मिनेटमा अर्थात् १९औँ मिनेटमा स्पेनका इस्कोले बराबरी गोल फर्काए। पहिलो हाफ बराबरीमा सकिएको खेलको ८१ औँ मिनेटमा मोरक्कोका युसेफ अल नेसरीले गोल गरे। जसको बराबरीमा स्पेनका आएगो असपासले इन्जुरी समयको पहिलो मिनेटमा गोल गरेका थिए।
खेलको म्यान अफ द म्याच इस्को भए।
समूह चरणमा पाँच अंक जोडेको स्पेन गोलका आधारमा समूह विजेता बन्दै नकआउट चरणमा पुगेको हो।
तपाईंको ईमेल गोप्य राखिनेछ ।