पर्वत : हिमालपारीको जिल्ला मुस्ताङमा भएको टिपर दुर्घटनामा परी मृत्यु हुनेको संख्या २० पुगेको छ। मृत्यु हुनेमा १३ जना पुरुष र ७ जना महिला छन्। दुर्घटनामा परी अरू १२ जना घाइते भएका छन्।
बेनी जोमसोम कोरला सडक खण्डको दमोदरकुण्ड गाउँपालिका-३ स्थित स्याङबोचेमा कालीगण्डकी करीडोर निर्माणमा काम गरिरहेका कामदाहरू बोकेको बा २ क २२१९ नम्बरको टिपर दुर्घटना भएको हो।
दुर्घटनामा बढी घाइते भएका सातजनालाई एयर डाईनास्टिक र सेनाको एम आई सेभेन्टीन हेलिकोप्टरमार्फत उद्धार गरेर उपचारको लागि पोखरा पठाइएको छ भने पाँचजनालाई मुस्ताङ जिल्ला अस्पताल, जोमसोममा उपचार भइरहेको छ।
दुर्घटनाका १५ वटा शव अहिले पनि घटना स्थलमा राखिएको र शनिबार बिहान मात्र नेपाली सेनाको हेलिकोप्टरबाट पोखरा पठाइने भएको छ। घाइतेको उद्धार गर्ने क्रममै अँध्यारो भएपछि बाँकी शवलाई शनिबार मात्र पोखरा लगिने भएको हो।
पाँचवटा शवलाई भने शुक्रबार साँझ नै जिल्ला अस्पताल मुस्ताङमा ल्याइएको छ। दुर्घटनामा परी मृत्यु भएका र घाइतेहरू कोही पनि मुस्ताङका नभएका कारण सबै घाइते र शवलाई पोखरा लाने निर्णय भएको हो।
मुस्ताङका प्रमुख जिल्ला अधिकारी शिशिर पौडेलका अनुसार गुड्दै गरेको टिपर अनियन्त्रीत भई सडकबाट झण्डै ६० मिटर तल खसेको थियो। आज दिउँसो अन्दाजी २ बजेको समयमा उक्त टिपर दुर्घटनामा परेको हो।
दुर्घटनामा परी मृत्यु हुनेहरू
जिल्ला उमेर नाम र थर
दाङ ३० बालकुमार रोका
धादिङ २३ सुजन घलान (चालक)
रोल्पा २८ सुकमान रोका
ओखलढुंगा २० जीवन माझी
कैलाली २२ बिन्ती घर्ती
रोल्पा १९ महेश रोका
कपिलबस्तु २५ कमानसिंह रोका
दाङ ३१ कविता घर्तीमगर
रोल्पा ३२ रामकुमार पुन
दाङ ३५ सुवेर चौधरी
दाङ ४३ शान्ति थापा
रोल्पा ३२ सन्तु घर्ती
स्याङजा २४ कृष्ण क्षेत्री
दाङ २५ कमल बुढा
रोल्पा ३१ जितमाया घर्ती
रोल्पा २० सृजना मगर
रोल्पा २३ राष्ट्रिय रोका
रोल्पा २३ जीतकुमारी पुन
रोल्पा ३६ मौसम घर्ती
दाङ ५० गुरुदत्त थापा
पोखरामा उपचार गराइरहेका घाइतेहरू
जिल्ला उमेर नाम र थर
झपा २३ दिपेश माझी
दाङ २३ निरज पुन
रोल्पा १९ बिमल घर्ती
रोल्पा ३९ कुमिर पुन
रोल्पा ३९ सूर्यबहादुर पुन
धादिङ १६ सागर मगर
रोल्पा ३६ रिस्सा घर्ती
रोल्पा १८ ईश्वर पुन
रोल्पा १७ रिसम घर्तीमगर
दाङ १९ श्याम बुढामगर
रोल्पा १८ तिलक पुन
रोल्पा १७ दीपक पुन
तपाईंको ईमेल गोप्य राखिनेछ ।