काठमाडौं : प्रधानन्यायाधीशका लागि संसदीय सुनुवाइ साना गरिसकेको दीपकराज जोशीका शैक्षिक प्रमाणपत्र थप शंकाको घेरामा परेका छन्। जोशी र निवर्तमान प्रधानन्यायाधीश गोपालप्रसाद पराजुलीको ‘प्रोगेस रिपोर्ट’का केही आधारभूत विवरण शंकास्पद भेटिएका हुन्।
‘दुवै जनाले पेस गरेका ल क्याम्पसका प्रोगेस रिपोर्ट भिडाउने हो भने एउटा गलत निस्कन्छ,’ दुवै जनाको अभिलेख रहेको संवैधानिक परिषद सचिवालय स्रोतले भन्यो, ‘संसदीय सुनुवाइका क्रममा उठेको यस्तो गम्भीर प्रश्नको छानबिन हुनुपर्छ।’
बिहीबारको संसदीय सुनुवाइमा सांसद योगेश भट्टराईलगायतले जोशीको शैक्षिक प्रमाणपत्रमा एउटै सिम्बोल नम्बर भेटिएको बारे प्रश्न उठाएका समाचार कान्तिपुर दैनिकमा छ।
सचिवलालय स्रोतले उपलब्ध गराएको प्रतिलिपिअनुसा २०३० साउनमा नेपाल ल क्याम्पसमा प्रमाणपत्र तह मा भर्ना भएका जोशीको प्रोगेस रिपोर्टमा क्रम संख्या ५३३८ उल्लेख छ। २०३१ साउनमा भर्ना भएका गोपाल पराजुलीको प्रोसेस रिपोर्टमा क्रम संख्या १३४७६ उल्लेख छ। दुवैको रिपोर्टको ढाँचा एउटै छ।
तपाईंको ईमेल गोप्य राखिनेछ ।