राजनीति

अध्यक्षले कुराएको भन्दै बालुवाटारबाट बाहिरिए नेपाल, खनाल, गौतम र श्रेष्ठ
SHARES

क्यान्सरपीडित पूर्वसांसद मणि खम्बुसँगको छलफलमा थिए ओली र प्रचण्ड

फाइल फोटो
मंसिर २२, २०७५

    काठमाडौं : नेपाल कम्युनिस्‍ट पार्टी (नेकपा)का दुई अध्यक्ष केपी शर्मा ओली र पुष्पकमल दाहालले कुराएको भन्दै नेकपाका वरिष्ठ नेताद्वय माधवकुमार नेपाल, झलनाथ खनाल, सचिवालय सदस्य बामदेव गौतम र प्रवक्ता नारायणकाजी श्रेष्ठल बालुवाटारबाट बाहिरिएका छन्। शनिबार दिउँसो ३ बजे प्रधानमन्त्री केपी शर्मा ओलीको सरकारी निवास बालुवाटारमा नेकपाको सचिवालय बैठक बस्ने समय तय गरिएको थियो। 

    तर दुई अध्यक्ष ओली र प्रचण्डले बैठकमा आफूहरूलाई कुराएको भन्दै चार नेता नेपाल, खनाल, गौतम र श्रेष्ठ बैठकस्थलबाट बाहिरिएका छन्। उनीहरूले आफूलाई बैठकमा अध्यक्षहरूले कुराएर अपमान गरेको भन्दै उनीहरू बैठकस्थलबाट बाहिरिएका हुन्।

    नौ सदस्यीस रहेको नेकपाको सचिवालयका चार सदस्यहरू बैठकस्थलबाट बाहिरिएपछि शनिबार बस्ने भनिएको बैठक नबस्ने सम्भावना बढेको छ। नेताहरू बाहिरिएपछि बैठकबारे छलफल भइरहेको बालुवाटार स्रोतले जनाएको छ। 

    क्यान्सरपीडित खम्बुसँग छलफलमा थिए ओली-प्रचण्ड

    तीन बजे सचिवालय बैठक बस्ने तयारी थियो। नेकपाका दुई अध्यक्ष ओली र प्रचण्ड उदरपुरका पूर्व सांसद् मणी खम्बु क्यान्सरपीडित हुन्। उनै खम्बुसँग छलफलमा रहेकाले केही समय मात्रै ढिलो हुन गएको अध्यक्ष निकट स्रोतले जनाएको छ। 'उदयपुरका पूर्वसांसद मणि खम्बुसँग दुई अध्यक्ष बसिरहनुभएको थियो। अध्यक्षले कुराएको भन्दै झलनाथ खनाल, माधवकुमार नेपाल, वामदेव गौतम र नारायणकाजी श्रेष्ठ हामीलाई कुराइयो भनेर उठेर हिँड्नुभयो', स्रोतले भन्यो, 'यहाँ कसैलाई अपमान भएको छैन। एकछिन कुर्नुपरेको हो। बिरामी पूर्व-सांसदसँग छोटो छलफलमा हुनुहुन्थ्यो। उहाँ क्यान्सरको अन्तिम चरणमा पुग्नुभएको व्यक्ति हो। उहाँसँग छलफल गरौF भनेर बस्नुभएको हो।'

देविका घर्ती मगर

देविका थाहाखबरकी संवाददाता हुन्। उनी राजनीतिकसँगै महिला, जनजाति तथा सांस्कृतिक मुद्दामा कलम चलाउँछिन्।

तपाईको प्रतिक्रिया दिनुहोस्

यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।

सामाजिक संजाल

सम्पर्क

थाहा खबर प्रा. लि.
सुमार्गी बी कम्प्लेक्स
बबरमहल- ११, काठमाडौं, नेपाल

इमेलः
समाचार विभाग: इमेल-thahakhabar16@gmail.com
फोन : ९७७-१- ४२६१९४१
बिज्ञापनः फोन- ९७७-१-४२६३४५४/९८४१३०४३९१ (प्रेम)
९८५१०७६३३६(सञ्जय नेपाल)
इमेल: mkt.thahakhabar@gmail.com

हाम्रो बारेमा

प्रधान सम्पादक: तीर्थ कोइराला
सूचना विभाग दर्ता नं.: ७७८/२०७४-७५

[विस्तृत]