काठमाडौं : राष्ट्रिय प्रजातन्त्र पार्टी र राष्ट्रिय प्रजातन्त्र पार्टी नेपालबीच पार्टी एकता भएको छ। नेपाल प्रज्ञा प्रतिष्ठान कमलादीमा भएको एकता घोषणा सभामा दुई पार्टीका अध्यक्ष पशुपति शम्शेर राणा र कमल थापाले एकता दस्तावेजमा हस्ताक्षर गरे।
एकतापछि नयाँ पार्टीको नाम राष्ट्रिय प्रजातन्त्र पार्टी (राप्रपा)) भएको छ भने राप्रपा नेपालले प्रयोग गरेको झण्डालाई राप्रपाको झण्डा बनाउने सहमति भएको छ।
अध्यक्ष तथा संसदीय दलको नेतामा कमल थापा र राष्ट्रिय अध्यक्षमा पशुपतिशम्शेर राणा हुने गरी दुईपक्षबीच सहमति भइसकेको छ।
यसअघि पनि गत साउन २५ गते दुई पार्टीबीच एकता गर्ने तयारी गरिएपछि अन्तिम समयमा आएर राप्रपा सरकारमा गएपछि रोकिएको थियो।
गत मंगलबार बसेको राप्रपा र राप्रपा नेपालको संयुक्त पदाधिकारी बैठकले पार्टी एकताको सहमति गर्दै माघभित्र महाधिवेशन गर्ने निर्णय गरेको छ। एकतापछि संसदमा राप्रपाका ३७ सांसद रहनेछन्। दुवै पार्टीबीच हिन्दु राष्ट्रमा नीतिगत सहमति बनेको छ।
तपाईंको ईमेल गोप्य राखिनेछ ।