काठमाडौं : संखुवासभा जिल्लामा अवस्थित मकालु हिमाल क्षेत्रमा यति अर्थात् हिम मानवको बसोबास रहेको दाबी भारतीय सेनाले गरेको छ । भारतीय सेनाको एउटा हिमआरोहण टोलीले मकालु हिमाल क्षेत्रमा यतिको पाइला भेट्टाएको दाबी गरेको हो ।
भारतीय सेनाले आफ्नो ट्विटर एकाउन्टबाट सार्वजनिक गरेको तस्बिरमा यतिको पाइला देखाइएको छ । भारतीय सेनाले यतिको पाइला पहिलो पटक भेट्टाएको जनाउँदै मकालु हिमाल क्षेत्रमा यतिको बास रहेको दाबी गरेको हो ।
भारतीय सेनाले 'हिम मानव' अर्थात् यतिको निशान भएका कयौँ फोटो पनि सार्वजनिक गरेको छ। सामाजिक सञ्जालमा सेयर गरिएका यतिका निशानसहितका भनिएका तस्बिर अहिले धेरै सेयर भइरहेका छन् ।
भारतीय सेनाको हिम आरोहण टिमले सार्वजनिक गरेको तस्बिरमा 'यति' को निशान मकालु हिमालको बेस क्याम्प नजिकैको रहेको दाबी गरिएको छ।
भारतीय सेनाको टोलीले हिउँमाथि ३२*१५ इन्चका निशान भेट्टाएको हो । यो घटना ९ अप्रिल २०१९ को हो । तर यी तस्बिरलाई भारतीय सेनाले २० दिनपछि मात्रै सेयर गरेको हो ।
भारतीय सेनाले सार्वजनिक गरेको तस्बिरमा मकालु बरुण राष्ट्रिय निकुञ्जमा यसअघि पनि हिम मानव देखिएको जनाएको छ । यी पाइला भेटिएसँगै हिमालीक्षेत्रमा यति रहेको पुष्टि हुने भारतीय सेनाले गरेको छ।
For the first time, an #IndianArmy Moutaineering Expedition Team has sited Mysterious Footprints of mythical beast 'Yeti' measuring 32x15 inches close to Makalu Base Camp on 09 April 2019. This elusive snowman has only been sighted at Makalu-Barun National Park in the past. pic.twitter.com/AMD4MYIgV7
— ADG PI - INDIAN ARMY (@adgpi) April 29, 2019
तपाईंको ईमेल गोप्य राखिनेछ ।