दाङ: पिकअपको ठक्करबाट दाङमा एक बालकको मृत्यु भएको छ। दाङ दंगीशरण गाउँपालिका ६ श्रीगाउँ निवासी देविलाल पुनका ७ वर्षीय छोरा किरणको मृत्यु भएको इलाका प्रहरी कार्यालय तुलसीपुरले जानकारी दिएको छ।
प्रहरीका अनुसार पश्चिमबाट तुलसीपुरतर्फ आउँदै गरेको ग १ ज ५६६४ नम्बरको पिकअपले आइतबार दिउँसो ४ बजेतिर बालकलाई ठक्कर दिएको थियो।
गाडीको ठक्करबाट गम्भीर घाइते भएका बालकको उपचारको लागि स्थानीय स्वास्थ्यचौकी बागर लैजाँदै गर्दा बाटोमै मृत्यु भएको प्रहरीले जनाएको छ। ठक्कर दिने भ्यान र चालकलाई प्रहरीले नियन्त्रणमा लिएको छ।
तपाईंको ईमेल गोप्य राखिनेछ ।