काठमाडौं : नेकपा विप्लव समूहले आवह्वान गरेको नेपाल बन्दको क्रममा शंकास्पद गतिविधिमा संलग्न १५ जनालाई प्रहरीले पक्राउ गरेको छ।
पक्राउ परेका मध्ये काठमाडौं महानगरपालिका ३२ नरेफाँटबाट ७ जना, ललितपुर एकान्तकुनाबाट ४ जना, रुकुम पश्चिम आठबिसकोट ४ छेडीबगरबाट १ जना, झापाको बिर्तामोड नगरपालिका ६ बुट्टाबारीबाट १ जना र सुर्खेतको भेरीगंगा नगरपलिका १२ रत्नराजमार्गबाट २ लाई प्रहरीले पक्राउ गरेको हो। यस सम्बन्धमा स्थानीय प्रहरीले थप अनुसन्धान गरिरहेको छ।
विभिन्न ६ स्थानमा सवारी साधनमा आगजनी
नेकपा विप्लव समूहले आवह्वान गरेको नेपाल बन्दअन्तर्गत सोमबार देशका विभिन्न ६ स्थानमा सवारी साधनमा आगजनी भएका छन्। जसमध्ये मकवानपुर हेटौंडा उपमहानगरपालिका २ मा ना ७ ख ९४९३ नम्बरको ट्रक र थाहा नगरपालिका १ मा ना ६ ख ८००७ नम्बरको ट्रक, सुर्खेत भेरीगंगा नगरपालिका ८ मा ना २ ख ७४४४ नम्बरको बसमा आगलागी भएका छन्। त्यसैगरी नवलपरासी (पूर्व) कावासोती नगरपालिका १६ मा बा ३ च ९३ नम्बर जिप, कालिकोट शुभकालिका गाउँपालिका १ मा भे ७ प ४७५७ र भे ७ प ३५८ नम्बरको मोटरसाइकल र रामेछाप मन्थली नगरपालिका ६ मा ना ८ ख ३७७० नम्बरको टिपरमा आगजनी भएका छन्।
यस सम्बन्धमा स्थानीय प्रहरीले थप अनुसन्धान गरिरहेको जनाएकाे छ।
तपाईंको ईमेल गोप्य राखिनेछ ।