बुटवल : वैशाख १९ गते कोरोना संक्रमण पुष्टि भएका रुपन्देहीका पहिलो संक्रमितको रिपोर्ट नेगेटिभ आएपछि डिस्चार्ज गरिएको छ।
पछिल्लो २ पटक गरिएको स्वाब परीक्षणमा उनको रिपोर्ट नेगेटिभ आएको थियो। रुपन्देहीको कोटहीमाई गाउँपालिका १ का २५ वर्षका युवक वैशाख १९ गतेदेखि बुटवलको धागो कारखानामा बनाइएको कोरोना विशेष अस्पतालमा उपचाररत थिए।
गत शुक्रबार र सोमबारको रिपोर्ट नेगेटिभ आएपछि उनलाई मंगलबार नै डिस्चार्ज गरिएको अस्पतालका फोकल पर्सन डा. सुदर्शन थापाले बताए।
संक्रमित वैशाख ५ गते नेपाल–भारत सीमाबाट लुकिछिपी नेपाल प्रवेश गरेका थिए। अस्पतालबाट डिस्चार्ज भएपछि पनि उनले एक हप्ता होम क्वारेन्टाइनमा बस्नुपर्ने अस्पतालले जनाएको छ।
तपाईंको ईमेल गोप्य राखिनेछ ।