गुल्मी : गुल्मीमा विद्युतको तारबाट खरबारीमा सल्केको आगो फैलिँदा एउटा घर जलेर नष्ट भएको छ। जिल्लाको रूरूक्षेत्र गाउँपालिका वडानम्बर-५ निवास...
चितवन : नारायणगढ–मुग्लिन सडकखण्डअन्तर्गत चारकिलो र तोपेखोलामा बुधबार फेरि पहिरो खसेर यातायात अवरुद्ध भएको छ। पहिरोका कारण बिहान ६ बजेदेखि यातायात अवरुद्ध भएको हो।
अहिले पनि चारकिलोमा माथिबाट ढुंगा खस्ने क्रम जारी रहेकाले पहिरो पन्छाउने काम सुरु गर्न नसकिएको जिल्ला ट्राफिक प्रहरी कार्यालय चितवनले जनाएको छ। ठुलो पहिरो खसेकाले पन्छाउन समय लाग्ने देखिएको चितवनका ट्राफिक प्रहरी प्रमुख वेदप्रसाद गौतमले बताए।
यसअघि मंगलबार पनि पहिरोका कारण साढे १० घण्टा सडक अवरुद्ध भएको थियो। सोमबार पनि पटकपटक पहिरो खसेर यातायात प्रभावित भएको थियो। मंगलबार पहिरो पन्छाएर गाडी चलाइएपछि राति ट्रक बिग्रिएर सडक एकतर्फी भएर गाडी जाम कायमै रहेका बेला बुधबार पुनः पहिरो खसेको हो ।
दैनिकजसो नै पहिरो खस्न थालेपछि सो क्षेत्र जोखिमपूर्ण बन्दै गएको छ। प्रहरीले बैकल्पिक सडक प्रयोग गर्ने सवारी चालकहरुलाई अनुरोध गर्दै आएको छ।
तपाईको प्रतिक्रिया दिनुहोस्
यहाँको इमेललाई गोप्य राखिनेछ । अनिवार्य रुपमा दिनुपर्ने जानकारीहरुलाई ' * ' चिन्ह प्रयोग गरिएको छ ।